Fleegenfanger

Tekst üüb Öömrang

Fleegenfanger
Fleegenfanger (Drosera rotundifolia)
Süstemaatik
Rik: Plaanten (Plantae) Klas: Bloosenplaanten (Magnoliopsida) Order: Caryophyllales Famile: Fleegenfangern (Droseraceae) Slach: Fleegenfanger
Wedenskapelk nööm
Drosera rotundifolia
L.

A Fleegenfanger (Drosera rotundifolia) as en plaant uun det famile faan a Fleegenfangern (Droseraceae).

Bloos faan en fleegenfanger.

Beskriiwang

A fleegenfanger as en muarjuarag krüüs an woort 5 bit 20 cm huuch. A ruter ling man 5 cm jip an kön det plaant ei alian fersurge.
A bleeden san trinj, 0,5 bit 1,8 cm grat an haa sowat 200 fiin ruad fangbleeden. Letj insekten an fleegen, oober uk flenerker an sogoor skirskööden bak diar fääst bi an wurd faan det plaant apliaset.
A bloosen san 1 cm lung, bleu faan Jüüne bit August an gung bluas eeben, wan a san skinjt.

Föörkemen

Üüb a nuurdelk eerdheleft, faan Euroopa auer Aasien bit Nuurdameerikoo jaft at fleegenfangern, sogoor uun Alaska an Greenlun könst'es finj. Jo brük föl san, föl weeder an en süren grünj an waaks uun muuren of üüb möösk.

Slacher

• Drosera rotundifolia

Drosera rotundifolia onerslach pygmaea

Drosera rotundifolia onerslach gracilis

• Drosera anglica

Nat

Al uun't 12. juarhunert as a fleegenfanger üs medesiin jin hoost an longkraankhaiden iinsaat wurden. Uk jin kraankhaiden uun't hood as't uun Itaalien brükt wurden. Uun Skotlun haa's fleegenfangern brükt, am brons tu farwin.
Daalang stäänt a fleegenfanger oner natüürskül.
 Wichtag bööd tu artiikler auer't sünjhaid

Ferwisang efter bütjen

 Wikimedia Commons hää bilen of filmer tu: Fleegenfanger 

 Wikispecies hää en artiikel tu: Fleegenfanger