Foehr.svg Tekst üüb Fering


A Ialtörn Haliglun as en ialtörn, wat üüb't Boowerlun faan't eilun Haliglun as. A ialtörn faan daaling wurd 1941 üüs flaktörn apsaatet, 1952 uun a gang üüs ialtörn nimen an 1965 amredet. At hööchte faan't ial as 82 meeter. At traagwidje faan't laacht as det starkst uun Tjiisklun an wurt uun amtelk dokumenten mä 52 kilomeeter uunden an as üüb a Uastfresk Eilunen an Eidersteed tu keenen. Det föörge ialtörn, wat 1902 apsaatet wurd, wurd bi det britisk lochtuungrip faan 18. April 1945 tunantmaaget. En iar ialtörn wurd 1811 apsaatet.