Karl Martell
 Tekst üüb Öömrang
|
Karl Martell (* tesken 688 an 691; † 15. of 22. Oktuuber 741 uun Quierzy) wiar en majordomus uun't Frankenrik. Hi hed üngewöönelk föl määcht, auer a dünastiin faan a Merowingern an a Karolingern uun stridj mäenööder wiar. Karl Martell san dring Pippin di Jonger wurd do a iarst könang faan a Franken ütj det hüs faan a Karolingern. Oner Karl Martell as det Frankenrik grat wurden, an oner san enkeldring Karl di Grat hed hat hör gratst määcht.
En bedüüden sliak feerd Karl Martell uun't juar 732 jin a Arabern bi Tours an Poitiers. Efter ham san do uk a Karolingern näämd wurden. Auer hi son kriichsheld wiar, füng hi di binööm Martellus (di höömerk).
Luke uk diar Bewerke
Commonskategorii: Karl Martell – Saamlang faan bilen of filmer