Läästaal

Didiar artiikel "Läästaal" as eksklusiif üüb't Nuurdfresk Wikipedia!

Läästaal wiar en grünjmiat üüb't eilun Sal. Det miat as bluas för oonlun brükt wurden, an det al uun't juar 1777. Faan 1 läästaal oonlun küd ~ 1 lääs fooder bürgen wurd.

1 Läästaal wiar 9,46 Ar

An 1803 as det miat feranert wurden, auer so föl oonlun onergingen as.

1 Läästaal = 36 Kwadrootrisen (iar: 45)
5 (4) Läästaal ~ 1 Deeme(l)s ~ 1/2 Hektaar

Amerlun

Föör ääkerlun üüb a Nuurdfresk Eilunen as det miat amerlun brükt wurden. Det wiar di grünj, di för 1 amer (huuchsjiisk: 'Scheffel') siad lingd.

1 Amerlun wiar 4,79 Ar, amanbi 1/2 Läästaal
1 Amerlun = 18 Kwadrootrisen
10 Amerlun ~ 1 Deeme(l)s ~ 1/2 Hektaar

Deemes

Deeme(l)s of deemat wiar en grünjmiat faan gud en hualwen hektaar. Di nööm komt uf faan 'dai' an 'miat' of 'miad'. 1 deeme(l)s greenlun küd faan en guden maan uun 1 dai mä a sen hauen wurd.

Ris

En ris wiar en miat för a lengde faan gud 5 meetern. En kwadrootris wiar det miat för en areaal faan gud 25 kwadrootmeetern.

Ei aueraal uun Euroopa wiar en ris likelung. Det ging faan 3,00 m bit 9,00 m. Uun Ingelun wiar 1 rod = 5½ yard = 16½ foot = 5,03 m, an det stemet mä't ris uun Nuurdfresklun gans gud auerian.

Luke uk diar

Yard
Aagetanjruad (= 18 risen ~ 90 meeter ~ 100 yard)