Lineaar liknang

Tekst üüb Öömrang

En lineaar liknang as en matemaatisk liknang uun en lineaar furem. Det ment, a ünbekäänden stun uun't iarst potens, ei uun't kwadroot of uun en huuger potens.

Det ütjsaagfurem koon üüb det grünjfurem redusiaret wurd:

$a\cdot x=b$

Bispal mä ian ünbekäänd

$7\cdot x+3=31|-3$

$7\cdot x=28|:7$

$x=4$

Preew:

$7\cdot 4+3=31$

$28+3=31$

$31=31|woor$

Bispal mä tau ünbekäänden

Liasang faan 3x+4y=12

$3\cdot x+4\cdot y=12$

koon efter y apliaset wurd:

$y=(12-3\cdot x)/4=-(3/4)\cdot x+3$.

Detdiar liknang hää ünentelk föl liasangen. Aal a liasangen lei üüb det geraad mä det funktjuunsliknang:

$f(x)=-(3/4)\cdot x+3$.

Tau liknangen mä tau ünbekäänden

Tau (ünlik) liknangen mä tau ünbekäänden haa ünentelk föl liasangen üüb tau funktjuunsgeraaden. Oober jo haa ian gemiansoom liasang diar, huar jo tau funktjuunsgeraaden enööder skeer. Jo tau funktjuunsgeraaden mut oober ei paraleel luup; do jaft at nian gemiansoom liasang.

Muar ünbekäänden

Det liasang faan en lineaar liknang mä trii ünbekäänden as en flaak.

Det algemian furem faan en lineaar liknang mä muar ünbekäänden het:

$a_{1}x_{1}+a_{2}x_{2}+\dotsb +a_{n}x_{n}=b$

Mä trii ünbekäänden as det liasang normoolerwiise en flaak. Uk för schauer, fiiw of muar ünbekäänden koon am liasangen bereegne, bluas kön wi üs jo ei muar graafisk föörstel.

Luke uk diar

• Cramer sin reegel

 Commonskategorii: Lineaar liknangen – Saamlang faan bilen of filmer