Madlem (Fäär)/mo

Täkst aw mooringer frasch

Madlem (aw Tjüsch än Dånsch: Midlum) as en gemiine önjt Åmt Fäär-Oomram foon e Kris Nordfraschlönj. Önjt norden läit e Weestsiie, önjt ååsten e gemiine Ööwenem, önjt söödååsten Wraksem, önjt sööden Njiblem, önjt weesten Aalkersem än önjt nordweesten Olersem. Dåt heet 470 inboogere (2016)^[1].

Geografii

Et toorp Madlem läit önjt sööden foon e gemiine. Et toorp Eekrem läit önjt norden.

Et jeeft uk en toorp Mullum (aw Neederlönjsch: Midlum) önj e gemiine Harns önj Weestfraschlönj än tou toorpe ma e noome Midlum önj Needersaksen: iinj önj e Lönjkris Leer än iinj önj e Lönjkris Kokshuuwen.

Huum, wat foon Madlem kamt, as aw Fering en madlembüür (mörtål madlembüüren).

E gemiine wörd di 1. önj e Ismoune 2007 diilj foon dåt nai Åmt Fäär-Oomram. Tuforen wus e gemiine diilj foont Åmt Fäär-Lönj.