Mason-Dixon-Liinje
 Tekst üüb Öömrang
|
At Mason-Dixon-Liinje as det histoorisk grens tesk a Nuurd- an a Süüdstooten uun Ameerikoo. Hat as näämd efter di astronoom Charles Mason an di lunfermeeder Jeremiah Dixon, an ferlääpt fööraal faan waast tu uast üüb 39°43'20" nuurdelk breetje.
Detdiar grens wiar nuadag wurden, auer a familin Penn an Calvert uun stridj auer hör lun wiar. An det as daalang noch at grens tesken Pennsylvania an Maryland.
Detdiar grens stäänt oober uk för en kulturel grens tesken a Nuurd- an Süüdstooten, uun't süüden jääw't noch bit 1865 slaawerei. Doomools fersocht föl slaawen, auer detdiar grens tu flüchten. Man uun't nuurden wul jo näämen haa. At slaawerei as iarst efter a Amerikoonsk Bürgerkriich 1861-1865 apheewen wurden. Diaram lewe a miast suart Amerikoonern uk diar uun a Süüdstooten. Man iarst 100 juar leeder san jo 1964 mä't Civil Rights Act würelk liksteld wurden.
Ferlicht komt faan Jeremiah Dixon uk di nööm Dixieland för a Süüdstooten uf.
Luke uk diar
Bewerke
Commonskategorii: Mason-Dixon-Liinje – Saamlang faan bilen of filmer