NSB Di 6
 Söl'ring
|
Di Di 6 wiar en Diesel-Lokomotiiwen-Reeg fuar di Norges Statsbaner (1883–1996). Di twelev Maskiinen kür ön Nuurweegen ek bistuun, ja waar töbeekdönen. Leeterhen fing di Reeg nii Noomen en waar ön forskelig Stairen iinseet.
| NSB Di 6 / ME 26 / DE 2700 | |
|---|---|
 Di 6 667 nai bi Leangen
| |
| Numer: | 1997–1999: NSB 6.661 bit 672 1999-2004: ME 26-01 bit 12 Sent 2005: DE 2700-01 bit 12 |
| Becht fan des Aart: | 12 |
| Fabrik: | Siemens, MAK |
| Bechningsjaar(en): | 1995–1996 |
| Aksformel: | Co'Co' |
| Leengdi aur Puffer: | 20.960 mm |
| Wecht lerig: | 119 t |
| Tiinstwecht: | 122,2 t |
| Akslast: | 20,1 – 20,6 t |
| Töleten Gauhair: | 160 km/h |
| Iinbecht Maskiinenkraft: | 2.650 kW |
| Öntochkraft: | 410 kN |
| Maskiinentyp: | MaK 12 M 282 |
| Bechningsaart Maskiin: | 1 V12 Diesel, knap 150 Liitern, Direktiinsprüting, uur aur Presluchtborelern önleten |
| Meskiin drait me: | 1000 /min |
| Kraft uur aurdrain: | dieselelektrisk, 6 Draistroom-Motooren |
| Brenstoftank: | 5.000 l |
| Tal fan Köörmaskiinen: | 6 |
| Öndreft: | Diesel-elektro |
12 Kraftmaskiinen fuar Nuurweegen
BewerkeDi Loks waar 1992 bi MaK ön Kiil bistelt. Ön di Jaaren 1995/96 waar ja becht en twesken Februwaari en Juuli 1997 naa Nuurweegen bracht.[1]
Di NSB her en ual Lokomotiivreeg, di Di 3 (ombi 40 Jaaren ual), en diarfuar wil em hol wat Niis haa.
1981 her em al hok Lokomotiiwen fan Henschel fingen, di NSB Di4, wat uk dieselelektrisk wiar en ombi 2.400 kW Maskiinenkraft her.
Bi MaK fing di NSB om Juuni fan 1990 en MaK DE 1024[2] tö Proof naa Nuurweegen[3]. Diarfan wiar 1989 trii Stek becht uuren, wat jam fuar gaui Tochen sa üs di Intercity al gur slain her. Des Loks her di salev Maskiinen üs fuar di nii Lok taacht wiar. Uk ön Nuurweegen löp des Maskiin söner Swaarhairen. Di Elektro-Stjüüring wiar fan ABB Brown Boveri.
1992 waar di twelev nii Loks bistelt.
MaK wiar öntwesken forkoopet uuren, en sa fing di Loks en Elektroonik fan Siemens, aurdat di Lok nü fan Siemens Transportation Systems becht waar. Des slaageti man ek rocht me dit Konsept, wat MaK al me di MaK DE 1024 (BR 240) omseet her. Di Di 6 skul üs Persoonentoch-Loks twesken Trondheim en Bodø laap, man ja kām me di Wunter ön Nuurweegen ek rocht klaar. Loks feel üt, em wiar me bit tö tau Reservimaskiinen önerwai, som bigent tö breni of let jam iinfach ek stjüüri. Aurdat uk Eeđerbeeterin nönt braacht, waar di Loks 1999 tö Siemens töbeekdönen.
Siemens skul 485 Mio Nuurweegenkroonen bitaali, aurdat di NSB twüngen wiar, di ual Di3-Loks fiiđer tö köör, en dit wiar noch aartig wat jüürer üs wan dit me di nii Loks slaaget her.
Bi Siemens waar dit da önersaacht. Di Liren, dānen bi MaK di Kai-Kompetensen fuar Dieselloks en DE-Loks her, wiar jerer pensioniaret uuren, üs Siemens MaK ön't Jaar 1992 koopet heer en kür ek muar help. MaK waar 1998 tö Vossloh forkoopet.[4]
Siemens ME 26
BewerkeDi Leechtern en hok muar maast en bet ombecht uur, en di Loks skul nii Fārev fo. Siemens her tö des Tir en Pool fan Loks tö forhüüri, Siemens Dispolok. Des her en ain Aart, hur'ling di Loks lakiaret war, en diartö skul dit hol pasi.[5]
Me jaar nii Dracht ging di Loks da tö CFL naa Luxemborig, aurdat diar nöörig en Lok waanti.
MaK DE 2700
Bewerke2004 kām di Loks fan Luksemborig töbeek en waar tö Vossloh forkoopet. Des Firma her uk MaK aurnomen, en di Loks kür fan Kiil üt fuar di Mērskbaan ön Sleeswig-Holstiin forhüürt uur. Diarfuar maast ja man auraarbert en foranert uur. Di nii Plaan fan di NOB, wat di Loks hüüri skul, wiar me Tochen, dānen Omdrai kür, en diarom maast en Omdraistjüüring iinbecht uur.
Fan di Detsembermuun 2005 ön wiar di Loks weđer önerwai. Dit jest Jaar wiar masi Spitaakel om di Loks: Ja bleev stuun, jen bigenti tö bren, en jit muar. Fan 2007 ön kām dit man sa lungsem törocht. Di NOB wil man lefer me di ER 20 köör, aurdat des fuul mener Diesel noom, di gurt Lok wiar man likert gur fuar Tochen me 10 Wainern fuar 800 Mensken.
Sa waar en Diil fan di Loks sent 2008 üđershur hen forhüürt, tauen uk naa Nuurweegen tö Cargo Link, en Eeđerföliger fan di NSB.
Vossloh forkoopet di "DE 2700"-Loks
Bewerke8 Loks löp man bit 2016 fiiđer fuar di NOB, da waar di Mērskbaan nii ütskrewen. Öntwesken her dit Lön nii Loks koopet, di BR 245, en des maaketi jüst sa fuul Theaater üs di DE 2700 tö höör ringst Tiren. Sa maast jen bit trii Loks fan des Aart jit en bet bi DB Regio help.
Öntwesken her uk en nii Önernemen fuar di Autotoch bigent, en dit wiar RDC. Des her bit tö fjuur DE 2700 hüürt. 2016 waar bikeent, dat Vossloh di Loks ek muar forhüüri wil, ja skul forkoopet uur.
Füf diarfan ging tö Hectorrail, en Firma fan Sweeden, diar ön Dütsklön sent 2015 aktiif es, tauen tö RDC üs en Reservi fuar di Autotoch of jaar Frachtentochprojekti. Des waar man ön di Septembermuun fan 2018 naa Moers stjüürt, hur ja mesken swaareri Tochen tii skel. Di blö Autotoch es nü me tau Vectron DE önerwai.
Hok Loks ging tö Frachtentochfirmen, dānen di Kraft gur haa ken. Fuar Persoonentochen wiar di Lok altert tö gurt en töstig (Bit tö 5,5 Liitern/km), dit sen fuar en Tour Weesterlön - Hamborig ombi 250 Liitern of 33 % muar Diesel.
Numer 12 en 5 köör al leenger ek muar. Des Loks sen üs Diilimaskiinen slachtet uuren.
Wat diarfan uuren es
BewerkeHur di Maskiinen blewen sen en weđer di jit laap Bechningsreeg 251/DE 2700 (Stand: Januar 2022):[6]
| Lok-NVR-Numer
(92 80 1xxx xxx-x) |
Bidriiwers Noom | Bidriiwer
(NVR-Biteekning) |
Senerlig bitö |
|---|---|---|---|
| 251 001-4 | DE 2700-01 | BEBRA | Blö-wit, HLG – Holzlogistik und Güterbahn GmbH, LED-Leechtern, lapt Jeft et uk üs H0-Model me "RSH"-Reklāmi. |
| Nr. 1
|
|||
| 251 002-2 | DE 2700-02 | RAG | Blö en leecht Gre, "Carmela", nii Lak 2022, RDC-Asset GmbH ("Autozug Sylt", "Alpen-Sylt Nachtexpress"), lapt |
| Nr. 2
|
Numer 2 haalet en nii Mērskbaantoch bi Bombardier ön Henningsdorf. | ||
| 251 003-0 | DE 2700-03 | RAG | Blö-güül-broket "Jungenslok", RDC Asset GmbH ("Autozug Sylt", "Alpen-Sylt Nachtexpress"), lapt |
| 251 004-8 | 861.003 "Popeye" | HRDE | Gre-Oranje, Hector-Rail-Lak, lapt |
| 251 005-5 | DE 2700-05 | VL | Blö-güül-wit, söner Maskiin ön Dortmund-Westfalenhütte[7] wechstelt om Diili, lapt ek |
| 251 006-3 | DE 2700-06 | BEBRA | Blö-wit, HLG – Holzlogistik und Güterbahn GmbH, LED-Leechtern, lapt |
| 251 007-1 | DE 2700-07 | RAG | Blö en leecht Gre, "Cindy", nii Lak 2022, RDC Asset GmbH ("Autozug Sylt", "Alpen-Sylt Nachtexpress"), lapt |
| Nr. 7
|
[Üs Siemens-Dispolok] | ||
| 251 008-9 | 861.002 "Hulk" | HRDE | Gre-Oranje, Hector-Rail-Lak, lapt |
| 251 009-7 | 861.005 "Shrek" | HRDE | Gre-Oranje, Hector-Rail-Lak, lapt |
| 251 010-5 | DE 2700-10 | BEBRA | Blö-wit[8], HLG – Holzlogistik und Güterbahn GmbH, LED-Leechtern, lapt |
| 251 011-3 | 861.001 "Thor" | HRDE | Gre-Oranje, Hector-Rail-Lak, lapt |
| 251 012-1 | DE 2700-12 | VL | Blö-güül-wit, wechstelt om Diili ön Dortmund-Westfalenhütte[9], lapt ek |
Luki uk jir
Bewerke
Commons: NSB Di 6 – Saamling fan Skelter en Videos Commons: MaK Di 6 – Saamling fan Skelter en Videos- ↑ Database over rullende jernbanemateriell brukt i Norge. Ofröpen di 9. Marts 2016. (nuurweegsk)
- ↑ Me DB-Numer 240 003-4 en di Noom «Lübeck»
- ↑ MaK - Di 6 für die NSB ofröpen 16. Januwaari 2012
- ↑ Infos fan di nuurweegsk Wikipedia
- ↑ En Skelt bi "Loks aus Kiel" me di Lakiaring fan Siemens Dispolok
- ↑ www.revisionsdaten.de - Die ONLINE - Fahrzeugdatenbank im Internet. Ufrepen de 23. Janewoore 2022.
- ↑ Drehscheibe Online Foren :: 03/02 - Bild-Sichtungen :: Lockdown by Captrain in Dortmund-Westfalenhütte (8B). Ufrepen de 30. Marts 2021.
- ↑ Üđers ofklüvt üs di Sestermaskiiten 001 en 006 ("Neues Design" uur da sair)
- ↑ loks-aus-kiel.de - Foto SFT 30016. Ufrepen de 30. Marts 2021.