Sylt2.png Söl'ring


Di Nissan Leaf (engelsk fuar „Bleer“; LEAF uk üs en Backronym Leading Environmentally-friendly Affordable Family car interpretiaret) es en Elektroauto fan di japānsk Autofirma Nissan.
Ön di Bārichtmuun fan't Jaar 2009 waar di Wain ön Yokohama fuarstelt, en sent di Jöölmuun fan 2010 uur di Wain forkoopet.

Di Leaf es di jest Wain fuar gurt Seerien, wat bluat üs Elektroauto konstruiaret es.

Zéro émission of zero emission?Bewerke

Bi Renault meent Z.E. "Zéro émission",   jir di Ütspraak üp franzk.
Bi Nissan meent dit "Zero emission",   dit uur üp engelsk ütspreeken.

Jest Bechningsreeg ZE0 (2010 bit 2017)Bewerke

1. Bechningsreeg (ZE0)
Becht sent of fan bit: 2010–2017
Maskiinen: Elektromaskiin:
80 kW
Leegdi: 4445 mm
Breedji: 1770 mm
Hoogdi: 1550 mm
Aksenstant: 2700 mm
Wecht, lerig: 1520 kg
Stiaren bi di Euro-NCAP-Crashtest[1]  
 
Fan achtern
 
Dit Lithium-Ioonen-Bateriipakeet set öner di Böört

Di Nissan Leaf es en Kompaktwain fuar 5 Persoonen. Di Koferrüm heer twesken 355 en 370 Liitern Plaats. Di Leerkant es 72 cm hoog. Dat di Wain sa fuul Plaats heer, kumt fuaral diarfan, dat di Baterii önern önskrüüwen es, en diaraur es dit Wecht uk fiir önern. Diarfan let di Wain höm gur köör.

Laapwai, Spaaritechnik en KonsuumBewerke

Me di jest Baterii fan 24 kWh skul di Leaf ombi 160 km laap. Em ken me di Eco-Modus uk Stroom spaari. Diarfan uur fuaral Aurn en Kööling dialstjüürt, en di Köörpedaal fair uk en "wuker" Keening, dat di Maskiin ek sa fuul Stroom fair.

Di Baterii ken üp Temperatuur braacht uur, wan't olter kuul es, man en Kööling, wan di Baterii tö wārem es, jeft et ek.

Di Leaf heer Rekuperatsjoon. Di Elektromootor uur üs Generaator omskrekelt, dat di kineetisk Energii tö Stroom uur en töbeek iin ön di Baterii giar. Des bremset al rocht gur, wan em bluat "fan't Gas" giar. Rocht "One pedal driving", dat em bal gaar ek muar bremsi tört, kām man ek jerer üs 2017 me dit taust Model, di Nissan Leaf ZE1.
Fuar di Rest en wan't waker gung skel heer di Wain en Bremsönlaag sa üs ark üđer Auto.

Hok Modeli haa en Spoiler achtern üp Klap, hur en Solaarmoduul üp set, wat Stroom iin ön di Baterii fuar di Elektrik (Ek di Köörbaterii) stjüürt.

2012 heer di ADAC ombi 17,4 kWh fuar 100 km nöörig her, dit es di Haitswert fan 1,95 Liitern Bensiin. Diareeđer waar en Laapwai fan 150 km fuar gur tö fo hölen.

En Leaf skel uk me 12 kWh/100 km törochtkum, wan em bluat ön di Stat of öner 100 km/h önerwai es.

Fan 2015 ön kür em di Nissan Leaf me 30 kWh-Baterii fo. Dit sen 25% muar üs 24 kWh, en diarme skul di Wain noch 200 bit 240 km laap.

Foraneringen ön't Jaar 2013Bewerke

Di Laapwai es fan 175 üp 199 km kemen, man di nöörigst Forbeetering es di nii Rekuperatsjoon (B-Mode) en di Aurn me Wāremkerpomp. Sa sen fuar en wārem Wain ek muar 1,7 man 0,3 bit 0,6 kWh nöörig. Aur des hen waar aur 100 litj Saaken foranert of forbeetert.
Fan des Tir ön kür em di Baterii koopi of hüüri, fuarof maast di koopet uur.

Foraneringen ön't Jaar 2015Bewerke

2015 kür em di Leaf me 24 kWh of 30 kWh-Baterii fo. Di nii Baterii es fan höör Kemii üđers maaket. Fan di 6 kWh Kapatsiteet waar di ek gurter man swaarer (21 kg).

Ön Ameerika waar di Laapwai fuarof me 135 km öndönen, en des waar fan di gurter Baterii 172 km. Eeđer NEFZ wiar dit 199 km wesen, hurfan da 250 km waar.

DaatenBewerke

Modell Leaf ZE0, 24 kWh Leaf ZE0, 30 kWh Leaf ZE1, 40 kWh Leaf ZE1, 62 kWh
Becht fan bit of sent Dez. 2010 – Dez. 2017 Okt. 2015 – Dez. 2017 sent Jan. 2018 sent Jan. 2019
Maskiinenaart Skrekelstroom-Synchroonmaskiin
Öndrewen aur Fuarweelen
Batterietyp laminiaret Lithium-Ioonen-Batterii
Batteriikapatsiteet 24 kWh 30 kWh 40 kWh 62 kWh
Laapwai 200 km (jap. Zyklus) 270 km (WLTP) 385 km (WLTP)
Stroom fuar 100 km 15,0 kWh (jap. Zyklus) 17,0 kWh (UN/ECE 101) 18,0 kWh (kombiniaret)
Maskiinenkraft 80 kW (109 PS)
bi 3008–10.000 min−1
110 kW (150 PS)
bi 3283–9795 min−1
160 kW (218 PS)
bi 4600–5800 min−1
Max. Draikraft 254 Nm fan 0–3008 min−1 320 Nm fan 0–3283 min−1 340 Nm fan 500–4000 min−1
Sküüvtir,
0–100 km/h
11,5 s 7,9 s 6,9–7,3 s
Max. Gauhair 144 km/h (ofrailet) 157 km/h (ofrailet)
Wecht, lerig 1520 kg 1580–1640 kg
Maaten 4445 mm × 1770 mm × 1550 mm 4490 mm × 1790 mm × 1540 mm
Aksenstant 2700 mm
Spöörbreedji fuarn/achtern 1540 / 1535 mm 1530 / 1540 mm

GaleriiBewerke

Leaf (ZE1, sent 2017)Bewerke

2. Bechningsreeg (ZE1)

Nissan Leaf ZE1

Becht sent of fan bit: seit 2017
Maskiinen: Elektromaskiin:
110–160 kW
Leegdi: 4490 mm
Breedji: 1788 mm
Hoogdi: 1530–1540 mm
Aksenstant: 2700 mm
Wecht, lerig: 1580–1640 kg
Stiaren bi di Euro NCAP-Crashtest[2]  

Ön di Hārefstmuun fan't Jaar 2017 waar di taust Bechningsaart fan di Leaf fuarstelt. Fan di Storemmuun ön 2017 kür di Wain bistelt uur, en sent di Ismuun fan 2018 uur di nii Leaf ütlööwert.

Dit nii Model heer en gurter Maskiin (110 kW = 150 PS) en Bateriien fan 40 bit 62 kWh. Fan 0 üp 100 km/h sküüvt di Wain ön 7,9 Sekunden, di hoogst Gauhair uur bi 144 km/h ofrailet.

Di nii Leaf ken salev iin ön en Gap köör (ProPILOT Park). Üp Autobaan skel des Wain tö en Diil aliining köör. Nii es uk dit "One-Pedal-Driving", dat em bal ek muar bremsi tört, aur di Rekuperatsjoonskraft gurter iinstelt uuren es. Di Temperatuur fan di Baterii uur jit langsen ek altert railet.

Vehicle to GridBewerke

Di Elektroonik iin ön des Model es diarfuar iinrocht, dat di uk Stroom ken. Dit jit, dat em diarfan uk Energii iin ön sin Hüs Stjüüri ken,wan dit diarfuar en Giraat heer. Des es gur, wan niin Stroom fan Senskiin of Winj tö fo es. "Vehicle to grid" jit sa fuul üs "Wain tö (Stroom-) Nat".

Tö di Bigening fan 2019 waar en E-Plus-Model me en Maskiin fan 160 kW = 218 PS önböören, en di Baterii heer en Kapatsiteet fan 62 kWh. Diarme skul di Leaf bit tö 385 km laap. Ön Euroopa waar diarfan man bluat 5.000 Stek önböören.

GaleriiBewerke

FutnootenBewerke

  1. Latest Safety Ratings | Euro NCAP. ufrepen di 4. Jüüle 2017 (ingelsk).
  2. Nissan Leaf Euro NCAP. ufrepen di 10. Jüüne 2018 (ingelsk).