Sjüüren

Tekst üüb Öömrang

Sjüüren
En sjüürentwiig (Pinus sylvestris)
Süstemaatik
Onerufdialang: Spermatophytina Klas: Näädelbuumer (Coniferopsida) Order: Konifeeren (Coniferales) Famile: Pinaceae Skööl: Sjüüren
Wedenskapelk nööm
Pinus
L.

A Sjüüren (Pinus) san en skööl faan Näädelbuumer (Pinophyta) uun det famile Pinaceae.

Fiiw juar ual sjüürenbuum, apseeget.

Beskriiwang

A miast sjüüren slacher waaks üs en buum, enkelten oober uk man üs en strük. Sjüüren san imergreen an stirme stark. Jo kön 50 bit 60 m huuch wurd. Enkelt slacher kön 4000 juar ual wurd.

Föörkemen

Sjüüren fanjst dü fööraal üüb a nuurdelk eerdheleft, diar huar't ei tu hiat an wiat enooch as. Uun Korea an Japan stun sjüüren üs en sümbool för krääft, dülaghaid an en loong leewent. Uun Sjiina täält a sjüürenbuum mä at plum an a bambus tu a 'trii frinjer faan a wonter'.

Am en stak lun mä buumer tu beplaantin, namt am hal sjüüren. Jo waaks gau an kem mä en skraalen grünj turocht so üs uun a hias. Rian Monokultüüren kön oober gau faan insekten befäälen wurd an braan uk gau.

Slacher

• ufdialang Pinus
  • onerufdialang Pinus (Europa, Aasien, Nuurdameerikoo (uastküst), Kuuba)
  • onerufdialang Pinaster (Madlunsia, Kanaaren, Himalaya)

• ufdialang Trifoliae
  • onerufdialang Contortae (Nuurdameerikoo)
  • onerufdialang Australes (Madelameerikoo, Kariibik)
  • onerufdialang Ponderosae (Nuurdameerikoo (waastküst), Mexiko)

• ufdialang Parrya
  • onerufdialang Balfourianae (Nuurdameerikoo (waasten))
  • onerufdialang Cembroides (Nuurdameerikoo (süüdwaasten), Mexiko)
  • onerufdialang Nelsoniae (Mexiko)

• ufdialang Quinquefoliae
  • onerufdialang Gerardianae (Uastaasien, Himalaya)
  • onerufdialang Krempfianae (Vietnam))
  • onerufdialang Strobus (Nuurdameerikoo, Europa, Aasien)

Nat

At sjüürenholt as lacht. Hat woort brükt üs bauholt of uk för boosler, stuuler an skaaben. Det miast papiir as faan sjüürenholt maaget. Enkelt slacher haa sok grat siad, dat at sogoor eden woort.

Luke uk diar

 Wikimedia Commons hää bilen of filmer tu: Sjüüren 

 Wikispecies hää en artiikel tu: Sjüüren