Pop- of Blinj-Neeten

Söl'ring

Pop- of Blinj-Neeten uur nomen, wan em wat töhop haa wel.
Di Noom "Blinjneeten" kumt diarfan, dat em jam gur nüti ken, wan em di Achtersir ek se ken.
"Popneeten" sair em, aurdat di Wiir jaa ofrewen uur, en di Lün diarfan ken em üs "Pop" forstuun

En Blinjneet uur seet.

Blinjneeten jeft et fuaral fan Aluminium en Kööper.

Prinsiip

Di Pop- of Blinjneeten-Tang tair en Wiir me Haur, diar iin ön di Neet es, töbeek. Diarfan uur di Achtersir töbeektain en ütenachtlerdrüket. Di Werksteken uur diarfan töhoptain en hölen.

Wat em me Blinjneeten maaket

Fuaral Fliigers fan Aluminium uur fuar't Miist neetet.
Fuar't Auto uur ja of en tö nomen, man em mut diar ek olterfuul me maaki; dit Olermiist mut swaiset uur. Diartö kum Swaarhairen me di Spaningsreeg, diar ken Rest en Korosioon fan kum.
Wan em swaisi wel, da ken em jens en Blek me Popneeten fastmaaki, bitö fastswaise en di Neet achterön weđer wechbööri. Sa heer em di Hunen frii, en diar es niin Gifaar, iin ön di Leechtböög tö lukin.
Wan em me Aluminium of Aluminiumprofiili wat bech wel, diar sen Blinjneeten fan Aluminium fuar't Miist dit Beest wat em nem ken.
Me Skiiwen diaröner ken em uk jens wat ön Könststof fast fo.

Skeltern

• 
  En Blinjneetentang en di Neeten, hur en Blek me fasttain uuren es.
• 
  Di Achtersir diarfan en hok forskeligi Blinjneeten.
• 
  En Korev fuar en Köölkast ön't Weel tö maaki, maaket fan Aluminium en töhopseet me Klüv en Blinjneeten.
• 
  Jir set di Köölkast iin ön di Korev.

Luki uk jir

• GESIPA es en Firma fuar Blinjneeten en Tjüch