Porsche

Söl'ring

Di Porsche AG (Lüng Noom Dr. Ing. h.c. F. Porsche Aktiengesellschaft) es en dütsk Autofirma, wat ön Stuttgart-Zuffenhausen set. Dit Bigenimng fan di Firma es en Konstruktsjoonskontoor, war Ferdinand Porsche 1931 iinrocht her. Diarfan kām di KdF- of leeter Volkswagen, wat Hitler fuar Dütsklön haa wil. Naa di Krich waar diarfan en Firma, wat fuaral Sportwainer üttaacht en becht.

Dr. Ing. h.c. F. Porsche Aktiengesellschaft
Logo
Rochtsforem	Aktienselskep
Grünjliar	1931
Hüüsing	Stuttgart, Dütsklön' Dütsklön'
Fööringskontoor	Oliver Blume, Fuarseeter fan di Fuarstant Wolfgang Porsche, Fuarseeter fan di Selskepsreer
Aarberers	32.325 (2018)
Jil / Jaar	25,8 Mrd. Euro (2018)
Branche	Autofirma
Weebsir	www.porsche.com
Stand: 31. Detsember 2018

Sent 2009 jert Porsche tö di Volkswagen AG, aurdat dit Aurnemen fan VW 2009 sküüv gingen wiar. Diarfan bleev man dach di Porsche Automobil Holding (Kuurt Porsche SE) wat sent des Tir di Muarhair fan di VW-Aktien heer.

Wainer

Di Porsche AG heer fuaral luchtkööleti Maskiinen becht, hurfan di jest (Fjuurkolben-) Maskiinen rocht nai bi des fan di Volkswagen wiar man gurter becht wiar en muar Kraft her. Me Wainer üs di Porsche 901 (Leeter 911) waar muar Sokskolbenmaskiinen becht, wat jit me Lucht köölet waar. Des wiar fuar't Miist Boxer_Maskiinen. Wan di Ofgasrook ek muar üpü Straat töleten waar, es em tö Weeterkööling aurgingen.

Ön di soowentiger Jaaren jaav't en VW-Porsche 914 me Fjuurkolbenmaskiin fan VW of Sokskolbenmaskiin fan Porsche. Biiring waar me Lucht köölet en set ön di Meren fan des Wain.

• 

Ön di Tachentiger Jaaren kām Wainer sa üs di 928 üt, wat en 4,5 Liiter-V8-Maskiin her, hur em me en Tankwain achterön köör skul. Me di 924 waar en Porsche fuarstelt, wat fuaral me Audi-en VW-Technik önerwai wiar (Fjuur Kolben ön Reeg; di Maskiin wiar en foranerti Audi Maskiin).
Nii Modeli sa üs Panamera of Cayenne braacht muar Plaats en fuaral aaft uk Maskiinen fan di VW-Konsern. Sa hing Porsche me, üs di Diesel-Skandāl me Autos fan VW en Audi ön Gang kām.

Elektrowainer

2015 waar en Prototyp me di Noom Mission E fuarstelt, en diarfan skul en Elektrowain uur. Des kām ön't Jaar 2019 me di Noom Taycan üp Marker.