Prominens (Geografii)
(Widjerfeerd faan Prominens)
 Tekst üüb Öömrang
|
At dominans faan en berag as di kurtest wai faan san toop bit tu en ponkt, di likehuuch as. Trinjam di berag könst dü en kreis tiakne mä di raadius faan't dominans. Uun didiar kreis as nian steed huuger üs di berag. Diar as hi dominant. Di huuchst berag üüb a eerd as di Mount Everest, an auer diar nään huugeren berag as, woort sin dominans miast mä di hualew eerdamkreis (≈ 20.000 km) liksaat.
At prominens (huuchsjiisk: Schartenhöhe) ment det hööchde, diar dü tumanst ufstiig skel, am faan en berag tu en huugeren berag tu kemen. Wan diar nään huugeren berag üüb a lunwai tu finjen as, do as det prominens lik mä det hööchde auer siapeegel.
Bütj geograafisk laag an hööchde san jodiar tau kääntaalen nuadag för't beskriiwang faan en berag.
Luke uk diar
Bewerke- 86 berger mä en dominans faan muar üs 1.000 km (huuchsjiisk)