Amrum.pngTekst üüb Öömrang


Rölken
Rölken (Salicornia europaea) bi a waaskaant.

Rölken (Salicornia europaea) bi a waaskaant.

Süstemaatik
Rik: Plaanten (Plantae)
Klas: Bloosenplaanten (Magnoliopsida)
Order: Caryophyllales
Famile: Amaranthaceae
Skööl: Rölken (Salicornia)
Slach: Rölken
Wedenskapelk nööm
Salicornia europaea agg.

Rölken ((fe.) Ool) (Salicornia europaea) san en plaantenslach uun det famile faan a Amaranten (Amaranthaceae). Jo faal üüb mä hör flääskag twiigen. Rölken san en pioniirplaant üüb't oon bi a waaskaant.

Uun a harewst wurd rölken ruad.

ÜtjsenBewerke

Rölken san ianjuarag plaanten an kön faan 5 cm bit 45 cm huuch wurd. Jo hiar tu a saaltplaanten, hör twiigen san flääskag an glääsag, a bleeden san man skolpen. Miast san rölken green, kön oober uk güül-green of brün-ruad wurd. Tu a harefst hen wurd's ruad. Jo bleu uun August an September, a bloosen san oober man letj an knaap tu sen.

FöörkemenBewerke

Uun a madel breetjin üüb a nuurdelk eerdheleft faan Euroopa bit Aasien könst Dü rölken finj. Jo plaanten kön widj iin uun a waas waaks, auer jo hal auerspeeld wurd kön an föl saalt ferdreeg. Rölken waaks miast tuup mä waasgäärs (Spartina slacher). Uun a waas bi Nuurd- an Uastsia, bi a Atlantik an uun a Madlunsia waaks rölken rikelk, man uk uun't banlun üüb saalten, kleiagen grünj.

NatBewerke

Rölken surge diarför, dat ham muar an muar klei ufsaat. Sodenang halept det plaant bi a seekrang faan a küsten.
Dü könst rölken uk iidj. Diarför namt am a jong spasen faan a twiigen lefst uun Mei. Jo smääk en betj pöbrag an wurd rä of uk kööget eden.
Iarjuaren hää am diar uk siap faan maaget.

Luke uk diarBewerke

  Wikimedia Commons hää bilen of filmer tu: Rölken 
  Wikispecies hää en artiikel tu: Rölken