Sööwen Bragen faan Königsberg
 Tekst üüb Öömrang
|
A Sööwen Bragen faan Königsberg san bekäänd wurden, auer jo en matemaatisk probleem apwise.
Bragen
BewerkeKönigsberg as apdiald troch di struum Preegel. Sodenang san diar tau stäädheleften rochts an lachts faan di struum an uk tau eilunen. Jodiar stääddialen san mä sööwen bragen ferbünjen, so üs üüb det tiaknang oner.
→
→
→
Fraag
BewerkeDet fraag wiar, of diar en wai as, so dat dü iansis auer arke brag lääpst. An wan det mögelk as, of dü weder bi di began uunkomst.
Leonhard Euler hää 1736 bewiset, dat son "Eulersken" wai uun Königsberg ei mögelk as, auer diar tu arke stääddial en ünlik taal faan bragen feert.
Diar mut bluas tau stääddialen (knooter) en ünlik taal faan bragen (kaanter) haa. Jodiar tau stääddialen küd do began an aanj faan en wai wees. Jo ööder stääddialen skel oober en lik taal faan bragen haa, amdat dü diar üüb en neien wai weder wech kem könst.
Bi detdiar fraag komt at goorei diarüüb uun, huar a bragen lei, man hü jo mäenööder ferbünjen san. Euler hää det fraag turagfeerd üüb en fraag faan't Topologii.
Efter a Ööder Weltkriich sjocht Königsberg hial ööders ütj an het daalang Kaliningrad. Tau bragen jaft at goorei muar, man det bragenprobleem lewet widjer.
Luke uk diar
Bewerke
Commonskategorii: Sööwen Bragen faan Königsberg – Saamlang faan bilen of filmer