Skepsnumer

Söl'ring

Di Skepsnumer es dat Teeken fan en Skep, wat aur di hiili Tir, wat dit önerwai es, ek foranert uur, uk wan dit Skep forkoopet uur of bütlöning förter faart (Ütflagt uur).

IMO-Numer

Di IMO (engl.: International Maritime Organization, IMO; franz.: Organisation maritime internationale, sölr.: Internatsjonaali Seefaarts-Organisatsjoon) es en Organisatsjoon fan di Foriinigti Natsjoonen (UN). Jü heer 170 Meföligerstaaten, en trii uur diartö reeknet (associated). Di Imo heer dit Moto: "Seeker en efitsienti Faart üp riin See-Weetern", en diarom aarbert jü töögen Skeps-Bidraiern en Skepsfaarers, wat Skit iin ön't Weeter smit. Jü paset uk üp, dat di Seefaarers gur Aarbersplaatsen haa of fo. En Diil fan di Aarber es di IMO-Numer.

Me des Numer es en Skep aural üp Wārel tö finj, uk wan et al lung en üđer Flagi of Noom heer. Jü es sawat üs di VIN (Vehicle Identification Number, Köörgistelnumer) bi't Auto.
Di IMO-Numer mut iin ön Rump en Maskiinenrüm sa skrewen uur, dat di söner Giwalt ek wechgair (Numer üs Hööler wechbreni, iin ön't Iirsen breni (Lasergrawuur) of āpsweisi). Di Numer es en Taal me 7 Stairen, wat ek weđer ütdönen uur, wan dit Skep me di Numer wech es.
Sent 2002 mut di Numer uk achtern of ön di Sir fan't Skep tö lees wiis. Diar leengt et man, wan di diar hen maalet es.

Skeepen me ain Keeningen sa üs Krichskeepen, Feskeriispeepen en Füürskeepen brük niin IMO-Numer

Lloyd’s Register

Di Klasifikatsjoons-Selskep Lloyd's heer jerer en Numer fuar ark Skep ütdönen. Fuar des fo di Skeepen nü IMO-Numern. Lloyd's heer jest di IMO-Teeken ütdönen, nü maaket dit man IHS Fairplay.

Forskel-Signāl, Rööpteeken

Dit Forskel-Signāl uur me di Registriaring ön't Skepsregister fuar dit Skep tödiilt.
Des es da metjens uk dit Rööpteeken (engl. call sign) fuar di Seefunk, en dit es fan Bokstaawen en Taalen töhopset.
Des es beeter (gauer en ginauer) tö forstuun üs Skepsnoomen.

Feskerii-Keenteeken

Di Feskern brük niin IMO-Numer ön jaar Kutern skriif, aurdat ja ain Keenteeken fo.
Dit diari Feskerii-Keenteeken es fuar Fangskeepen fuarskrewen.

Jir es en Listi fan di Feskerii-Keenteeken ön Dütsklön'

Luki uk jir

• IMO-Numer, Skepsnoom of biiring iindö en sjuk. -Fuul Formaak!
• Eeđer Registiaring giar dit jir uk (IHS-Fairplay)
• Wan em IMO-Numern sjukt, ken em jens jir luki (Iinfach üp en Skepspositjoon kliki)
• Rööpteeken fan ali Lönen.
• Skeps-Keenteekningen (Holönsk)
• Jir ken em me dit Rööpteeken, di Noom of di IMO Skeepen finj en salev editiari!