Tams Jörgensen/sö

Di Bidrach "Tams Jörgensen" staant eksklusiif ön di Nuurđfriisk Wikipedia!

(Vilhelm) Tams Jörgensen (* 11. Maarts 1924 ön Hüsem, † 1987) wiar en Spraakenweetenskepsmaan.

Leewent

Sin Aalern wiar Wilhelm Jürgensen en Ilse (beeren Tams). 1946 bigenti hi, ön Freiburg, Kiil en Kopenhaagen Dütsk en Engelsk tö studiarin. 1955 uur sin „Frasch-Tjüsch-Dånsch Uurdebök“ ütdönen.

Tams Jörgensen heer masi diarfuar dönen, dat 1964/65 dat Nordfriisk Instituut grünjlair uur. Diar heer hi di Nuurdfriisk Jaarboker biaarbert.
Fan 1971 heer hi bi di Pedagoogisk Hoogskuul ön Flensborig frasch Önerrocht dönen.

Tams heer fuul fuar di Töhopaarber me Weest- en Uastfriislön maaket. Sa heer hi di Interfriisk Studentenraakin organisiaret en uk di Biiki ön di Stolbarig ön di Gang braacht.
Tams kām gur me jungi Liren törocht, en sa kür hi jam aaftinoch di friisk Kultuur wat naier bringi.

Mesken wiar't niin Töfal, dat hi ön di salev Dai Gibursdai her üs Nis Albrecht Johannsen (di Ialeri, * 1855) en Albrecht Johannsen (di Jüngeri, * 1888) ?

Warken

"Snaak Friisk! - Interfriisk Leksikon", Nordfriisk Instituut, Bräist, 1977
"Frasch - Tjüsch - Dånsch Uurdebök", 2. aplaag, Nordfriisk Instituut, Bräist, 1978
"Kleines friesisches Wörterbuch der Nordergoesharder Mundart", Nordfriisk Instituut, Bräist, 1981

Literatuur

Thomas Steensen: Abschied von Tams Jörgensen. Uun: Nordfriesland 77/78 (Jüüne 1987), S. 9-10.

Luke uk jir

Tams Jörgensen Fonds bi't Nordfriisk Instituut