Text:Mai-Muun
 Söl'ring
|
Des Techting ken uk sjungen uur.
Wiis: "Der Mai ist gekommen"
Mai-Muun
(Skrewen ön di Maimuun fan 1930)
Di Mai-Muun es kemen,
Di Uurs her hi braacht.
Fuarbi es dit Lēngen,
Jaa, nü ken wü saacht!
Nü sprööti di Krölen,
Di Fügeler sjung.
Di Bloomer, ja blostri,
En alis uur jung.
Di Sen skintj sa wārem,
Aur Tērper en Hiir.
Aur Mark en aur Ingi,
En arkjen es bliir.
Di Kraiter sen büten,
Wit Lumer, ja spring.
Frisk Leewent kumt weđer,
Wel Früger uns bring.
En breer liit di Nuurđsee
En uuremt nü Freer.
Fuarbi es höör Trüwin,
Jü let me höör reer.
En hoog ön di Uurslocht
Siil Möen aurhen.
En blö es di Hemel,
Fan Jan' en fan Jen'.
Welkemen, Dü Uurstir,
Welkemen bi üüs!
Wü gung Di öntöögen
En bliiv ek itüüs.
Üüs Harten, ja boki
en wir uur di Brest.
Fan Hööp en nii Wensken,
En nii Leewentsnest.