Theodor Mommsen

Täkst aw mooringer frasch

Theodor Mommsen (*30. November 1817 † 01. November 1903) wus en nordfraschen liirer än profäsor önj da klasische fääge. Hi wörd ålgemiin betråchtied as di wichtiste klasische histooriker foon dåt 19. iirhunert. Sin årbe ouer e roomsch histoorii as diling nuch uterst wichti for eefterforsching ouer dåt teema. Hi heet e Nobelpris for literatuur füngen önjt iir 1902 än wus uk en fäärenden tjüschen poliitiker, as lasmoot foon dåt prüüsche än uk foon dåt tjüsch parlamänt.

Laawensluup

Mommsen as tulaid önj Gaarding önj Ääderstää än as apwüksen önj Bad Oldesloe. Hi wus tujarst histoori-profäsor bai e universität foon Leipzig, as dan 1858 lasmoot wörden foon jü akadeemii än eefter 1868 profäsor önj jü roomsch histoorii än jü universität foon Berlin.

Hi heet maning iirenbetjööginge füngen for sin waasenschaplike lååstinge: di “ween Max”, jü huuchst militär iirenbetjööging in 1868, iirenburger foon Room, än di Nobelpris, åån foon da man såågliteratur-schriwere, wat jü tukåning füngen.

Waasenschaplike wärke

Jü histoorii foon Room: dåt årbe deeged ap önj trii biinje twasche 1854 än 1856. Jü däkt jü roomsch histoorii bit tut iinje foon jü roomsch republik än dåt hiirschap foon Julius Caesar.
Roomsch grünseetlik rucht: (1871-1888)
Roomsch Stroofrucht (1899)
än mör as 1500 widere årbe än ferhoonlinge ouer ouder individuäl teeme.

Nobelpris-fakte

Mommsen wus di ålst persoon am e literaturpris tu fouen (hi wus deer 85 iir üülj) än uk di persoon ma dåt jarst geburtsiir (1817).

Ferwise eefter büten

Theodor Mommsen as „Klassiker der Geschichtswissenschaft“
Biographische haanewisinge
Mommsens Roomsch histoorii, tjüsch än änglisch, bai Project Gutenberg
Römische Geschichte aw privoote homepage
tising üt jü tid
Phönix aus der Asche Theodor Mommsen än da Monumenta Germaniae Historica; Katalog tu jü ütstaaaling ... an jü Berlin-Brandenburgische akademii foon da waasenschape foon di 25. november bit 21. desämber 2005, Konzeption än kataloggestalting foon Arno Mentzel-Reuters, Mark Mersiowsky, Peter Orth, Olaf B. Rader. (PDF, 8,32 MB, leesetid bai bei DSL 1000 ca. 4 min.)
laawensluup, ståmbuum, sitoote, galerii ... aw privoote homepage foon jü famiili Mommsen

Didiar artiikel as uun det list faan gud artiikler, diar det leesen luane apnimen wurden. Uun uugenblak jaft at diar 73 faan.