Theodor Storm/sö

Theodor Storm (* 14. Hārefstmuun 1817 ön Hüsem; † 4. Fođermuun 1888 ön Hademarschen) wiar en Avkaat en Skriiwer.

Leewent

Storm wiar di Dreeng fan di Avkaat Johann Casimir Storm. Tö Skuul ging hi ön dit Gümnāsium fan Hüsem.

Al tö Jungenstiren feel höm di Heef üp jen Sir en di Hiir üp di üđer Sir fan Hüsem āp. Des Kontrast bleev iin ön sin Haur, en sa kām di uk leeterhen aaftinoch ön sin skrewen Werk fuar.

Gurt Wecht fing uk di Steming iin ön dit Holting trinjom di Weestermeln bi Hohn. Diar wiar sin Oom Melner.

Ön Hüsem kür Storm ek olter fuul liir, en sa kām hin tö dit Katharineum ön Lübeck.

Studiari dēr hi ön Kil en 1843 weer hi Avkaat en holp sin Faađer ön Hüsem.

Ön Kiil wiar hi me Theodor Mommsen en sin Brüđer Tycho Frinjer uuren.

Hi toog naa Potsdam, en diar waar hi Asesor bi en hoog Girocht.

Di deensk-dütsk Krich (1848-51) en di Jaaren ön freemer Lön braacht höm tö di Skriiwerii.

Hi leengt eeđer Hüsem, en sa skreev hi ön sin Stek "Gedenkst du noch?" fan 1857: "Wer in der Heimat erst sein Haus gebaut, der sollte nicht mehr in die Fremde gehen!" Klaus Groth sair fan höm: Dit Leengen heer Storm tö en Dechter maaket, man dit wiar uk dit Leengen eeđer en Faamen. - Storm wiar 19 en dit Faamen 10 Jaaren ual.

1864 kām hi töbeek naa Hüsem en waar Lönsvoogt. 1867 waar hi uk jit Amtsrochter. 1870/71 wiar hi ön di Krich töögen Frankrik. Ön en Breev fan 1870 skriift hi: "Das Bestehen der Welt beruht darauf, dass alles sich gegenseitig frisst oder vielmehr der Mächtigere den Schwächeren".

Di leest Jaaren fan sin Leewent uunet hi ön Hademarschen, rocht nai bi Rendsborig. Diar heer hi uk sin bikenntest Werk, di Skimelrüter skrewen.

Ön Hademarschen es hi di 04. Fođermuun 1888 stürewen. Hi waar ön Hüsem bigreewen.

Luki uk jir

Wikimedia Commons heer Skelter of Filmi aur: Theodor Storm

Wikisource: Theodor Storm (Dütsk)

Theodor Storm ön di Dütsk Biografii