Township (USA)

Tekst üüb Öömrang

En township uun Ameerikoo hää en histoorisk an en poliitisk bedüüdang.

Woodford County, Illinois mä townships an sections, 1878

Histoorisk bedüüdang

Faan 1785 uf uun wurd det lun uun sjauerhuket "sections" apdiald, diar 1 miil lung an 1 miil briad wiar. 6 mool 6 sections wurd tu en grat kwadroot tuupslööden, det wiar en "township". Ian faan jo 36 sections wurd ferkääft, an faan det jil san skuulen baud wurden.

Poliitisk bedüüdang

Daalang as en township en ferwaltangsianhaid. Uun a miast stooten uun a USA jaft det

• stääden (cities)
• stääddialen / föörstääden (boroughs)
• gemeenen (townships)
• letj saarpen of ööder regiuunen, diar ei tu en township hiar (CDPs, "census designated places")

En hialer rä faan sok ferwaltangsianhaiden hiar do tuup tu en "county", det as tu fergliken mä en lunkreis uun Sjiisklun. Det naist huuger ferwaltangsianhaid as do di bundesstoot, sowat üs en bundeslun.