Troopen

Tekst üüb Öömrang

A troopen (faan ualgreks τρόποι Ἥλιου trópoi Hēliou „huar a san amkiart“) san det regiuun tesken a kiarkreiser 23° 26′ 05″ nuurd an süüd. Tesken jodiar geograafisk breetjin koon a san lik faan boowen deel skiin. A troopen haa at hiatst kliima üüb a eerd.

A troopen lei bi a ekwaator

Tu madetidj uun a troopen stäänt a san uun "zenit", hat skinjt lik faan boowen deel.

Nuurden an süüden faan a kiarkreiser slütj a subtroopen uun.

Focht

Man ei aueraal uun a troopen as't likedenang wiat. Uun't nuurden an süüden as't böös drüg, diar san wüüsten. Efter a ekwaator tu woort at wiater. Diar san 5 ünlik loonskapen, apdiald efter a wiat muuner:

• 12 bit 9½ wiat muuner = Troopenwalt (muar üs 2000 mm rin),
• 9½ bit 7 wiat muuner = Wakselwiat Troopen (1000-2000 mm rin),
• 7 bit 4½ wiat muuner = Wakseldrüg Troopen (500-1000 mm rin),
• 4½ bit 2 wiat muuner = Drüg Troopen (250-500 mm rin),
• 2 bit 0 wiat muuner = Wüüst (maner üs 250 mm rin).

Luke uk diar

 Commonskategorii: Troopen – Saamlang faan bilen of filmer