VDL Citea

Söl'ring

VDL
Statbus me trii Düüren
Citea
Fabriik	VDL Groep
Bechningsaart	Solobus, Gelenkbus, Debelböörtbus, Elektrobus
Becht sent of fan bit	sent 2007, elektrisk sent 2012
Aksen	2 of 3
Maskiin	- Cummins - Fiat Powertrain Technologies (FPT) - Elektromaskiin Siemens
Maskiinenkraft	160–265 kW (218–360 PS)
Kapatsiteet	≥ 180 kWh
Leengdi	9,95 m – 18,1 m
Breedji	2,5 m / 2,55 m
Hoogdi	3,065 m – 3,160 m
Omdraikrais	20,628 m – 24,52 m
Wecht (lerig)	8.995 kg – 19.000 kg
Sestermodeli/ Modeli binai üs des	- Daimler E-Citaro - Sileo S12 - MAN Lion's City E - Iveco E-Way

Di VDL Citea es en Liinienbus fan VDL, wat sent ombi 2007 becht uur. Sent 2012 jeft et uk Modeli me Elektromaskiin, sent 2018 uk en Model me 18,1 Meetern.

Di Elektrobusi ken fan boowen eeđerleeren uur, wan di en Breek haa.

Dit litjest Model es di Citea LLE-Electric (LLE jit Lecht me liig Iinstig) me knap 10 Meetern, hur em senerlig lecht iin kumt, aurdat di Trap liiger becht es.
Di Baterii es fan niigen Bateriien, ark me 20 kWh töhopset. Dit Systeem heer 66,6 Volt en 300 Ah, sa dat em üp 180 kWh kumt.
Fan sok Wainer uur sent 2019 masi bi "Connexion" ön di nuurđern Neđerlönen iinseet (Trinjom Alkmaar en Hoorn). Di Busi haa 26 Setplaatsen, 2 Klapseeten en 24 Plaatsen tö stuun sa üs en Plaats fuar en Rulstööl.
Ja uur ek öntwesken eeđerleeren, bluat aur Nacht, wan ek köört uur.
Connexion heer man aur 400 Busi me Elektro-, Weeterstof- of O-Bus-Öndreft.

Di SLF 120 Electric me 12 Meetern ken me sa'n Baterii knap 200 km laap.
Em ken man uk üđer Bateriipakeeti fo.

Aur en Systeem üp Taak ken me bit tö 250 kW Leerkraft eeđer- of āpleeren uur.

Di Maskiin kumt fan Siemens en heer 160 kW (218 PS).

Di Stat Kiel heer ön't Jaar 2020/21 47 Busi me 18,1 Meetern koopet en achterön uk jit 20 Stek me 12 Meetern bistelt.
Uk ön Münster, Osnabrück, Köln en hok muar Regioonen sen al Elektrobusi fan VDL önerwai.

Nii Generatsjoon 2021

Di nii Aart fan di Citea heer di Baterii önern, en sa ken bit tö 110 Mensken me des Bus aak.
Di nii Bateriipakeeti haa bit tö 490 kWh Kapatsiteet, en diarme ken en 12,2-Meeter-Bus 500 bit 600 km laap.

Plaats

Di 18-m-Wainer ön Kiel haa 40 Seetplaatsen. 65 tö stuun en 2 fuar Rulstöölern.

Skeltern

• 
  Debelböört-Bus fuar Berlin (Prototyp me Dieselmaskiin, 2015)
• 
  Di VDL Citea SLF 120 electric tö Proof ön Muasem üp Söl.
• 
  VDL Citea SLF-120 Electric ön Nes (Ameland)
• 
  Di Liinie 11 drait ön Kiel-Wik om, en diar jeft et Stroom
• 
  Āpleer ön Kiel-Wik
• 
  Sa staant dit achtern ön di left Sir