Iveco E-Way
 Söl'ring
|
| Iveco | |
|---|---|
| |
| E-Way | |
| Fabriik | Iveco (Heuliez, Frankrik) |
| Bechningsaart | Statbus, Liigerböörtbus, Bateriibus |
| Becht sent of fan bit |
Sent 2018 |
| Aksen | 9,5, 10,7 en 12 m: 2, 18 m: 3 Öndreft aur Kardanwialter, Diferentsiaal en Portāl-Aks(en) ZF AV 133. Fuarweelen enkelt āphinget. |
| Bremsen | Elektropneumaatisk Bremssysteem, Rekuperatsjoon |
| Maskiin | 1 Sentraal-Draistroom-Synchroonmaskiin ön di Achterweelen E-Way 18: Merel- en Achteraks öndrewen, tau Sentraal-Maskiinen |
| Maskiinenkraft | 9,5 m, 10,7 m en 12 m: 160 kW 18 E: 160 kw en 200 kW Draikraft bit 2.500 Nm/enkelt Maskiin / 18 m: 2.100 en 2.400 Nm |
| Kapatsiteet | 9,5 m: 245 kWh 10,7 m: 245 bit 350 kWh 12 m: 285 bit 360 kWh Pantogrāfen-Help-Bateriien (Lithium-Titanāt-Oxid) 12m : 73 of 88 kWh, 18 m: 102 of 117 kWh |
| Bateriislach | NMC (Nickel-Mangaan-Kobalt) |
| Leerkraft en -tir | Bit tö 150 kWh / 200 Ah |
| Laapwai | ≥ 200 km |
| Klimatisiaring | Elektrisk Kööler Dieselaurn Bremswāremker, Böörthaitser, Fronthaitser, Pomp fuar Wāremker üt di Lucht |
| Leengdi | 9,5 m: 9.510 mm 10,7 m: 10.745 mm 12,0 m: 12.050 mm 18 m:17,96 m |
| Breedji | Söner Spailen: 9,5 en 10,7 m: 2,33 m 12 m en 18 m: 2,55 m |
| Hoogdi | 3,35 m |
| Aksenstant | 9,5 m: 4.130 mm 10,7 m: 5,355 mm 12 m: 6.120 mm 18 m: 5,355/6,675 mm |
| Töleten Wecht | 9,5 m: 17.900 kg 10,7 m: 17.900 kg 12 m: ~ 20.000 kg 18 m: ~ 28.000 kg |
| Model fuarof | -- |
| Model achterön | -- |
| Sestermodeli/ Modeli binai üs des |
- E-Citaro - VDL Citea - MAN Lion's City E |
Di Iveco E-Way es en Elektrobus wat ön Frankrik fan Heuliez , en Daachterfirma fan Iveco üttaacht en becht uur.
Heuliez jert sa üs uk Magirus tö di Iveco.
Sa jit di Heuliez GX 137 E Court bi Iveco Iveco E-Way 9,5, da kumt di 137 E Long of Iveco E-Way 10,7, di GX 337 E of Iveco E-Way 12 sa üs di GX 437 E, wat üs Tauwain-Bus Iveco E-Way 18 forkoopet uur.
Di Achteraks es en Portālaks wat ön di Meren flak becht es. Diarom ken di Böört fan fuarn bit achtern lik döörlaap. Ön jen Sir fan di Achteraks es en Elektro-Synchroon-Maskiin me 160 kW (2.500 Nm, bi di 18 m-Bus 2.401 Nm), fuar di 18 m-Bus kumt en Maskiin me 200 kW en 2.200 Nm diartö.
Di Bateriien sen fan Moduuli me ombi 60 kWh töhopseet. Di kuurt Bus heer fjuur Moduuli me töhop 245 kWh üp Taak , di 10,7 m-Bus heer mung 245 en 350 kWh, di 12 m-Bus heer 280 bit 385 kWh, di lüng 18 m-Wain kumt üp ombi 400 kWh.
Āpleeren uur aur di Nacht, man wan em mermung leer wel, da ken em en Panogrāfensysteen fo, wat fan boowen dial üp dit Bus-Taak giar en senerlich Baterii me 73 of 88 kWh bi di 12 m-Bus sa üs 102 of 117 kWh bi di 18 m-Bus heer. Des Helpbateriien sen fan Lithium-Titanāt-Oxid maaket en ken senerlig waker me bit tö 450 kW Leerkraft āpleeren uur. Me des Stroom uur di Laapwai forleengert.
Rekordfaarten
BewerkeIveco Magirus ön Ulm sa üs uk di Busfirma Verkehrsbetriebe Bachstein ön Celle haa forsaacht, hur fiir em me jen Akku-Leering kumt. Em kür me 61 Kilowattstünen üp 100 km en Laapwai fan 543 km üp Liinientour omset. [1] [2].
En bet mener heer Iveco Magirus me en Heuliez GX 337 (Lik me Iveco E-Way 12) skafet, dit waar 527 km. Dit wiar man niin Liinienfaart. [3]
Des Bus heer en Aķku me 385 kWh hurfan em 335 kWh ütfo ken (385 kWh brutto, 87 % of 335 kWh netto).
MAN heer me sin Lion's City E, wat en Akku fan 480 kWh heer en Liinienaartig Faart fan 550 km maaket.
Wan em me 87 % of 417 kWh netto reeknet, kum bi 0,61 kWh fuar en Kilomeeter 684 km Laapwai üt.
Diarfan es man nönt bikeent.
Di Akkus en di Öndreft sen fan di lik Aart, en dit Wecht es uk ek fuul üđers. Em mut jit niisgiirig wiis.
