Vektor

Tekst üüb Öömrang

En vektor as en matemaatisken ütjdruk, di det paraleel fersküüwen beskraft.

Det blä triihuk woort efter rochts boowen fersköwen.

Fersküüwen

Wan en geomeetrisk objekt paraleel fersköwen woort, do bedüüdet det, dat arke ponkt faan detdiar objekt likewidj an üüb disalew wai fersköwen woort. Oober hü widj an hün wai det gongt, det beskraft di vektor. Uun det bispal mä det triihuk (rochts) wurd jo trii hukponkter A, B an C mä disalew vektor fersköwen:

${\vec {v}}={\overrightarrow {AA'}}={\overrightarrow {BB'}}={\overrightarrow {CC'}}$

Beskriiwang

Dü könst di vektor beskriiw mä: 7 hoken rochts auer an 3 amhuuch. Det skriiwwiis as do:

${\vec {v}}={\tbinom {7}{3}}$

Wan dü a koordinaaten faan en ponkt käänst, könst dü jo nei koordinaten mä detdiar skriiwwiis gau ütjreegne. Nem wi ans di ponkt A faan det triihuk $A(-6|-1)$. Do fu wi gau a koordinaaten faan di nei ponkt $A'$ ütj:

${\begin{pmatrix}(-6)+7\\(-1)+3\end{pmatrix}}={\begin{pmatrix}1\\2\end{pmatrix}}$.

Di nei ponkt A' leit do üüb $A'(1|2)$.

Nolvektor

Di nolvektor as det neutraal element bi't tuuptäälen faan vektoren:

${\vec {0}}={\tbinom {0}{0}}$

Mä di nolvektor blaft di ponkt A huar hi as (A = A').

Luke uk diar

 Commonskategorii: Vektoren – Saamlang faan bilen of filmer

• Normoolkrääft