World Wide Web

At World Wide Web [ˌwɜːldˌwaɪdˈwɛb] ( tuharke^?/i) (ingelsk för „weltwidj näät“, kurt näät, wääb, WWW of uk W3) as en ferbinjang faan elektroonisk hypertext-dokumenten uun't internet. Jo wurd mä HTML, en hypertext-spriak beskrewen an mä hyperlinks onernenööder ferbünjen. Det protokol uun't internet för't technisk auerdreegen faan a dokumenten het HTTP of HTTPS.

Ferbinjang faan wääbsteeden trinjam en.wikipedia.org uun Jüüle 2004

Wääbsteeden üs t.b. frr.wikipedia.org hual normoolerwiis flook wääbsidjen. Diar as ei bluas tekst üüb tu sen, man diar kön uk bilen, tuundatein of wiideos ufrepen wurd.

Di britisk informaatiker Tim Berners-Lee hää det WWW-projekt di 6. August 1991 uun't leewent repen. Di iarst browser, am WWW-sidjen tu loosin wiar „Nexus“, an küd bluas tekst uunwise. 1993 kaam di browser „Mosaic” (Netscape), an diarmä begand det WWW tu waaksen.

Grünjlaagen

At WWW brükt trii grünjlaagen, am tu werkin:

HTTP, det internetprotokol. Diarmä koon di browser dooten faan en wääbserver ufrep.
HTML, det hypertext-spriak. Diarmä woort det dokument beskrewen.
URL of URI, det internet-adres. Diarmä woort det wääbsteed of uk det wääbsidj iandüüdag fäästlaanj.

Leeder kaam diar muar standards tu:

CSS (Cascading Style Sheets). Jo lei fääst, hü en dokument uunwiset woort.
HTTPS, en widjerfeerang faan HTTP. Diarmä kön wääbsidjen seekert wurd.
DOM (Document Object Model). Det as en ferbinjang (interface) tu ööder programen of spriaken, diar uun en wääbsidj iinbünjen san.

Luke uk diar

Commonskategorii: World Wide Web – Saamlang faan bilen of filmer