Biiki

Biiki (aa. Biakin, fe. Biikin, mo. Biikebrånen) es en nuurđfriisk Fest. Dit uur tö Piđersinj (21. Februwaari) fiiert.

Di Biiki es en Diil fan di "Söl'ring Aart en Wiis"^[1], wat üs di Biskriiwing fuar Brükdom bikeent es.

Di Biiki uur fuar't Miist sa om Klok soowen öntjent.

Dat Uurt

Dat Uurt Biiki kumt fan Engelsk beacon of Dütsk Bake. Hat meent sa fuul üs "Teeken", en gurt, leecht Teeken.

Piđersinj es jaa di Inj fuar Piđersdai, en katoolsk Fiierdai, wat eeđer di Hilig Petrus (Petri Stuhlfeier, 22. Februwaari) nēmt es. Uk üp di deensk Nuurđsee-Ailönen keent em Pers Awten.

Dat Fest

Ark Tērp heer en ain Biiki, en trinjom dat Jöl jeft en masi Önerhualing. Ön hok Tērper (üp Aamrem) uur Teaater spölet, sjungen en daanset, en üp Söl' en üp di Stolbarig uur Önspraaken hölen.

Achterön jeft et Greenkual tö iit.

Histoorie

Al fuar di kristelk Tir haa di Mensken biiket, fuar di Wunterspook tö forjaagin. Ön't 17. en 18. Jaarhönert haa di Ailönsfriisen jaar Tüs faarwel sair, aurdat ja luas skul en Wālfesk fang.

Tö des Tir her em ek olterfuul Holt, en sa wiar ditdiar Jöl fuar't Miist ek olter gurt. Deling sen di Jölen wat gurter en ja uur uk muar ön't Benenlön üs bi Strön maaket.

Bi delings Biiken uur Tanenboomer, Bosker en uk gurter Boomer forbrent.

Piđer

Boowen üb di Biiki kumt üp Söl' en Ten, en wan di dialfalt, da es di Wunter fuarbi.

Üp Aamrem en Föör kumt en "Piader" (Dütsk: Peter) üp di Biiki, dit es en broket Strepop. Dit wiar jer noch sa meent, dat em di Poop (Petrus sin Eeđerföliger) en di katoolsk Sērk ek haa wel. Deling heer di "Piader" ek muar fuul tö sii.

Dit Dechting Biiki

Dit Dechting "Biiki" fan Jens Mungard:

Help: Video giar ek?

Luki jens

↑ Di Söl'ring Foriining es üs "Foriining fuar Söl'ring Aart en Wiis" bigent uuren.

[1] Di Söl'ring Foriining es üs "Foriining fuar Söl'ring Aart en Wiis" bigent uuren.

[1]