Sylt2.png Söl'ring


Di Björn Steiger Stifting es diarfuar, dat di Help ön Nuar sa üs di Retingstiinsten altert beeter uur.
En Stifting ken en Aart fan Stötforiining wiis, man desjirem Stifting es diarfuar iinrocht, dat wat maaket uur, wat fuarof ek üp Wārel wiar.

Björn Steiger Stifting
Logo BSS DE
Rochtsforem: Stifting eeđer BGB
jerer e.V. (Iinskrewen Foriining)
Es taacht fuar: Forbeetering fan di Help ön Nuar
Fuarseeter(s): Pierre-Enric Steiger (Präsident)
Präsidialrat: Jürgen Gramke (Fuarseeter), Liz Mohn, Rüdiger Grube (Taust Fuarseeter), Kurt Bodewig, Günther Oettinger, Klaus-Dieter Scheurle
Kontoorsman (of -liren): Marcel Schneider, Sabrina Seitter
Ön Gang sent: 7. Juli 1969[1]
Stifter(n): Ute und Siegfried Steiger
Set ön: Winnenden
Natsir: www.steiger-stiftung.de
Björn-Steiger-Stiftung: Initiativen bei der Unfallrettung

NoomBewerke

Di Stifting jit eeđer Björn Steiger , diar 1969 önköört waar. Hi storev, aurdat em en Stün eeđer di Kraankenwain teef maast, wat uk ek olterfuul Giraaten fuar Bihaneling me langs her. Dat bal achterön en Retingstiinst ön Gang kām, kumt fan di Mait, diar Siegfried en Ute Steiger, di Aalern fan Björn, jam me fuaral di Politik maaket haa.


Foraneringen - en LeewentswerkBewerke

Saaken sa üs en Fiirsnakernumer, hur em aural en Kraankenwain me röp ken, heer di Stifting aur lung Jaaren salev bitaalet.
Diaraur hen hiir Taachten sa üs di Retingswain fuar Dütjis, Fiirsnaki-Piilern langs di Straat, di DRF-Luchtreting, Defibrillatooren fuar ark Jen en fuul muar tö dit wat di Björn-Steiger-Stifting önskööwen heer. [2]

Tö dit Jen fan di 1960er Jaaren jaav dit ön Dütsklön niin Laitstairen en nemen, diar di Aarber fan Helpers sa üs Politsai, Kraankenhüüsinger, Füürweer en Retingstiinst töhopbraacht. Ön di Straaten wiar aaftinoch aur lüng Waien niin Fiirsnaker tö finj. Diarom wiar di Fiirsnakerpiilern fuar di Nuar sa üs disalev Numer fuar Help aur't hiili Lön di jest gurt Stööpen, wat gingen uur skul. Di „Björn Steiger Stiftung e. V.“ waar üs Foriining bigent en leeter tö en Stifting maaket.
Faligern ön Politik, bi Spaarikasen en Wertskepsfirmen wiar nöörig. Stöt en Help kām bal fuaral uk fan Hilda Heinemann, di Wüf fan Bundspresident Gustav Heinemann. Dat dit uk slaageti wat ja jam fuarnomen her, haa di Steigers aaftinoch Hypotheeken ön jaar Hüüsinger āpnomen, dat diarfan Hüüvskrüüwern, Retingswainern en hok muar bitaalet uur kür.

Me üs Jest kür en Funksysteem[3] fuar di Retingstiinsten, Retingswainer me Ütstafiaring fuar jest Help, di jest Wain fuar en Nuar-Dochter, wat 24 Stünen tö fo wiar, jest Fiirsnaki-Piilern ön dütsk Straaten en dit Bigening fan di Luchtreting iinrocht uur.

En aur di Maaten gurt Stööp wiar di Numer 110/112 fuar di Nuar sa üs en Struktuur fuar Laitstairen ön't Jaar 1973. Fuar Ute en Siegfried Steiger es di Stifting jaar Leewentswerk. Ja sen mal bliir, dat jaar Dreeng Pierre-Enric Steiger Lest heer en aarberi diarfuar.

FutnootenBewerke

  1. Geschichte
  2. Karin Truscheit, München: Fünfzig Jahre Rettungsdienst: Wegen dieses Unfalls gibt es die Notrufnummern 110 und 112 [1]
  3. BOS-Funk, Funk fuar "Behörden und Organisationen mit Sicherheitsaufgaben"