Björn Steiger

Söl'ring

Björn Steiger wiar en Dreeng fan Winnenden ön Baden-Württembārig. Hi kām ön di 10. Mai 1960 ön Winnenden tö Wārel. Sin Aalern wiar di Architekt Siegfried Steiger (*1929) en sin Wüf Ute (*1933). Ön di 3. Mai 1969 kām di Dreeng fan't Swum en wil waker aur di Straat laap. Diar kām en Auto en köört höm ön. Björn Steiger her dit aurlewi kür, man bit dat di Kraankenwain kām, waareti dit 58 Minüten. Ön di wai tö't Kraankenhüs es di Dreeng da iin ön di Kraankenwain stürewen.

Sin Aalern kür ek liif, dat et niin rocht Retingstiinst jaav, en sa noom ja jam fuar, me di Björn-Steiger-Stifting wat diarfuar tö dö, dat dit beeter waar.
Al 1973 kām diarfan di DRF-Luchtreting, wat me Hüüvskrüüwern waker tö di Malöör-Stairen kum ken.