DRF-Luchtreting

Di DRF Luchtreting (jerer Deutsche Rettungsflugwacht e. V.) set ön Filderstadt en jert tö di Retingstiinsten ön Dütsklön.

DRF Stiftung Luftrettung gAG
Logo
Rochtsforem	Aktienselskep fuar di Gimiinhair
Grünjliar	6. September 1972 (Satzung gem. Vereinsregister)
Hüüsing	Filderstadt
Fööringskontoor	Krystian Pracz^[1] (Fuarseeter fan di Fuarstant) Peter Huber^[1] (Fuarstant) Rudolf Böhmler^[1] (Fuarseeter fan di Selskepsreer)
Aarberers	634 (2018)^[2]
Jil / Jaar	136 Mio. Euro (2018)^[2]
Branche	Luchtreting me Hüüvskrüüwern
Weebsir	www.drf-luftrettung.de

Retingstiinsten en SAR

Wat di DRF ön di Lucht dēr, dit maaket di DGzRS tö Weeter. Tö dit Systeem SAR (Search And Rescue) jert di DRF man ek, dit maaki di Hüüvskrüüwern en uk Fliigers fan Bundsweer en Mariini.

Histoorie

1969 kām di Dreeng Björn Steiger tö Malöör, en hi stuarev, aurdat di Dochter ek waker inoch kum kür. Sin Aalern lair da di Grünj fuar di "Rettungsdienst-Stiftung Björn Steiger e.V.", leeterhen "Björn-Steiger-Stiftung", wat diarachter wiar, dat al 1972 di „Deutsche Rettungsflugwacht German Air-Rescue (kuurt DRF)“e. V. ön Gang kām.^[3] Di 19. Marts 1973 wiar di jest Retingsflocht me en Hüüvskrüüwer.

2008 waar di Stifting omorganisiaret, en fan da ön jeet jü "DRF Luftrettung". ^[4] Diartö jert en Foriining, hurfan di President Rudolf Böhmler es, sa üs en Stifting fuar di Gimiinhair. Töhop uur di Luchtreting üs DRF Stiftung Luftrettung gemeinnützige Aktiengesellschaft bidrewen, wat di Statsjoonen me di Hüüvskrüüwers ön Gang halt.
Uk di ARA-Flugrettungs GmbH ön Uasterrik sa üs di Falck DRF Luftambulance A/S ön Deenemark hiir tö di DRF.

DRF ön Nuurđfriislön

Di Statsjoon fuar di Nuurđen fan Sleeswig-Holstiin es ön Naibel. Di Tiinstmaskiin jit altert "Christoph Europa 5". Dat di Maskiin "Europa" jit, kumt diarfan, dat diarme uk ön Süđern Jütlön, Deenemark holpen uur.
Bit tö di 8. Mai 2020 wiar diar aur 25 Jaaren en Hüüvskrüüver fan di Typ BK 117 iinseet. Diarfuar kām en EC 145 (EC jit Eurocopter), wat en bet gurter es. Di Maskiin es man en Föliger fan dit ual Model. Aurdat di Hali ön Naibel tö litj es, uur tö di Hārefst 2020 naa Rendsborig omtain. Diarfuar uur nii Hali becht.

Di Kraanken uur fuaral fan litjer Kraankenhüüsingen naa Flensborig, Kiel en Heide ütflöögen, man hok kum uk fan di Ailönen naa Naibel iin ön't Kraankenhüs.

Luki uk jir

Futnooten

↑ ^1,0 ^1,1 ^1,2 https://organisation.drf-luftrettung.de/ |titel=Leitung und Struktur der DRF Luftrettung
↑ ^2,0 ^2,1 Bundesanzeiger: Jahresabschluss zum 31. 12. 2018, abgerufen am 29. November 2019.
↑ „Deutsche Rettungsflugwacht German Air-Rescue e. V. (abgekürzt DRF)“: Amtsgericht Nürtingen, Vereinsregister, VR 325, ehem.; nach Umwandlung 2008, Amtsgericht Stuttgart, HRB 727649, DRF Stiftung Luftrettung gemeinnützige AG, Filderstadt; Gemeinsames Registerportal der Länder
↑ http://www.rth.info/news/news.php?id=780 |titel=Team DRF wird zu DRF Luftrettung

[Leitung-1] 1,0 ^1,1 ^1,2 https://organisation.drf-luftrettung.de/ |titel=Leitung und Struktur der DRF Luftrettung

[bundesanzeiger-2] 2,0 ^2,1 Bundesanzeiger: Jahresabschluss zum 31. 12. 2018, abgerufen am 29. November 2019.

[3] „Deutsche Rettungsflugwacht German Air-Rescue e. V. (abgekürzt DRF)“: Amtsgericht Nürtingen, Vereinsregister, VR 325, ehem.; nach Umwandlung 2008, Amtsgericht Stuttgart, HRB 727649, DRF Stiftung Luftrettung gemeinnützige AG, Filderstadt; Gemeinsames Registerportal der Länder

[4] ttp://www.rth.info/news/news.php?id=780 |titel=Team DRF wird zu DRF Luftrettung

[1]

[2]

[3]

[4]