Dü min tüs

Tekst üüb Öömrang

Dü min tüs, min öömrang lun as det öömrang "natsionaalhümne", skrewen faan Lorenz Conrad Peters (* 1885, † 1949). Likes dat "Lonje" en Feringen wiar, hää det stak ham üüb Oomram trochsaat. Det stak hää sjauer dialen, eder mä sääks fees. Jo sjauer dialen san uun stian slaanj wurden an stun daalang ferstreielt auer't eilun.

At stak

Öömrang	Stian	Steed
Dü min tüs, min öömrang lun, Huar so huuch a düner stun, Huar bi a Kniip a braanang bromet, Huar a waastwinj ei ferstomet, Iiwag spelet mä at sun, Leew haa’k di, min öömrang lun!		Witjdün 54° 37′ 39″ N, 8° 22′ 46″ O54.627578.37944
Dü min tüs, min öömrang lun! Rikdum as diar ei tu fun, Skraal san ääkerlun an fäänen, Man diar wene a bekäänden, Diar min hart am naisten stun, Leew haa’k di, min öömrang lun!		Noorsaarep 54° 40′ 35″ N, 8° 20′ 27″ O54.676288.34096
Dü min tüs, min öömrang lun Iarelk san diar hart an hun, Trauhaid luket ütj ark wönang, Riker feelst di üs en könang, Arken koon di diar ferstun, Leew haa’k di, min öömrang lun!		Stianood 54° 38′ 17″ N, 8° 22′ 39″ O54.637938.37763
Dü min tüs, min öömrang lun, Leewen mei din aard bestun! Wat a feedern üs ferareft, Läät’s dach sä, dat det ei stareft! Jääw wi’t ap, det wiar en skun! Leew haa’k di, min öömrang lun!		Neebel, Öömrang Hüs 54° 39′ 3″ N, 8° 21′ 25″ O54.650958.35692

Luke uk diar

• Öömrang spriak
• Nordfriisk literatuur