Stianood
 Tekst üüb Öömrang
|
Stianood as en saarep üüb det nuurdfresk eilun Oomram an hiart tu det gemeen Neebel.
Beskriiwang Bewerke
Stianood as det letjst saarep üüb Oomram. Diar stun man son 20 hüsang, an diar wene sowat 50 lidj. Hat leit lik bi a waas an as tu'n dial iindiket.
At belukin wäärs san at grääfhuug ütj a bronsetidj "Ual Hööw" an a huuger faan't wikingertidj. Di huuchst grääfhuug faan Oomram stäänt üüb a waaster ääg faan't saarep, hi het Eesenhuug.
Stianood hää en aanj brag, iar keerd heer a dampern faan a ASAG reederei uf tu a Halgen an Schlüttsiel. Daalang lei heer dan an wan frachtskeb uun an det ööleskap, wat Oomram mä heitsööle fersuragt. Di siilferian ASRV onerhäält heer tau holtbragen för siilbuaten.
Uun Stianood stäänt det äälst hüs faan Oomram. Hat as 1720 baud wurden an wiar auer juaren det öömrang tolhüs, leeder wiar't det wiartskaft Lustiger Seehund, an daalang wurd diar rümen tu baadelidj uun ferhüürd.
Bilen Bewerke
-
-
Eesenhuug -
Grääffial faan a wikingertidj -
Ual Hööw
Koordinaaten: 54° 38′ N, 8° 23′ O
Luke uk diar Bewerke
Commonskategorii: Stianood – Saamlang faan bilen of filmer