Erich Friedrichs

Tekst üüb Fering

Erich Paul Jansen Friedrichs (* 2. Nofember 1890 üüb Haliglun; † 21. April 1945 uun Cuxhuuwen-Sahlenburg) wiar en welerstantstridjer üüb Haliglun. Hi fersoocht, at eilun tu a aliiarten saner welerstant auer tu dun. A Nazis naam ham mä an racht ham hen tau weg föör't aanj faan de Naist Wäältkrich.

Likstian

Snöwelstian faan 2010 üüb a Lung Wai

Leewent

Friedrichs wurd de 2. Nofember 1890 üüb Haliglun bäären. Sin mam wiar Fanny Elise Krüß an san aatj Peter Paul Friedrichs. Trii muuner föör sin gebuurt wurd at eilun tjiisk efter 83 juaren faan britisk reegiment. Föl haligluners, diaroner Erich Friedrichs, snaaket diaram gud Ingels; detheer weden wul ham uu so natelk uun de Iarst an Naist Wäältkrich wees.

Uun't ääler faan 19 juaren treed hi uun Janewoore 1910 iin uun det Keiserelk Tjiisk Mariin iin an bleew do tu Jüüne 1912. Üüs de Iarst Wäältkrich ütjbruch, treed hi weler iin uun't mariin bi an kaam iarst aanj Marts 1919 tu Haliglun turag.

De 29. Oktuuber 1919 freid hi Tina Therese Bartz, diar uk faan Haliglun kaam.

Faan 1924 tu 1929 wiar hi gemeenfertreeder an snaaket för dön ual rochten an traditsionen faan a halunders, huarför ham oner ölern separatismus föörsmeden wurd. Bewost snaaket hi so fölsis üüs mögelk sin spriik Halunder.

Literatüür

• Astrid Friedrichs (2010), Wir wollten Helgoland retten: auf den Spuren der Widerstandsgruppe von 1945, Helgoland, Förderverein Museum Helgoland, s. 56-61.

Luke uk diar

• Erich Friedrichs (spurensuche-kreis-pinneberg.de)
• Snöfelstiiner üp Heliglön