Gulag
 Tekst üüb Öömrang
|
A Gulag wiar det näät faan stroofloogern uun a Sowjetunioon. Di nööm betiakent oober uk det hialer süsteem faan a suart hööl, huar iinsperet minsken för a stoot werke skul. Man uk ööder minsken, diar ei uunpaaset wiar, san tu werkin twüngen wurden.
Di nööm Gulag of eegentelk GULag komt faan rüsk Главное управление лагерей, ufkört ГУЛаг, , amskrewen Glawnoje uprawlenije isprawitelno-trudowych lagerej i kolonij, auersaat “Hoodferwaltang faan a beederangswerkloogern an -koloniin”. Hat sted oner't komando faan't gehiampolitsei GPU, leeder OGPU.
Tesken 1930 an 1953 wiar muar üs 18 miljoon minsken uun jodiar loogern, muar üs 2,7 miljoonen san diar stürwen.Tu Stalin sin tidjen seed diar tauenhualew miljoon misken. An efter a Ööder Weltkriich seed diar sjauer bit sääks miljoon kriichsfangden. Flooksis woort uk faan a archipeel Gulag snaaket, auer jo loogern auer't hialer lun ferstreielt wiar, so üs eilunen faan en archipeel.
Luke uk diar
Bewerke
Commonskategorii: Gulag – Saamlang faan bilen of filmer