Jolof Rik

Tekst üüb Fering

Det Jolof Rik (uk det Wolof Rik) wiar en rik uun a waast faan Aafrika, wat uun a waast faan de Seenegal faan nü lai, twesken de Seenegal Struum an de Gambia Struum. Det wurd amanbi 1350 üüs en wasalrik faan det Maali Rik grünjlaanjen. A keiser faan't rik hed a tiitel burba. Det bested ütj fjauer wasalriken:

1. Det Waalo Köningrik, diarfaan at grünjleier faan't rik, Ndiadiane Ndiaye, kaam.
2. Det Kayor Köningrik (faan 1549)
3. Det Siné Köningrik
4. Det Saloum Köningrik

Ian faan a wasalriken, Kayor, wurd 1549 suwereen an streed jin't Jolof Rik. Kayor woon 1549 a Slacht bi Danki jin't Rik an de letst keiser Leele Fuli Fak wurd ambroocht. Jolof fool diarefter iin uun suwereen köningriken ütjenöler. At auerbliiwsel faan't rik wurd at Jolof Köningrik, wat tu 1875 wooret.