Tekst üüb Fering


Seenegal [ˈseːnegal], amtelk Republiik Seenegal (üüb Fraansöösk: Sénégal [seneˈgal] an République du Sénégal) as en stoot uun a waast faan Aafrika. Uun a nuurd leit Mauretaanien, uun a uast Maali, uun a süüduast Guinea an uun a süüdwaast Guinea-Bissau. Seenegal slot uk Gambia am. At lun hee 13.508.715 lidj (2016)[1]. At hoodsteed as Dakar.

Flag faan Seenegal
Seenegal uun Aafrika

Geografii Bewerke

Koord faan Seenegal

Geograafisk Laag Bewerke

At lun dialt grensen mä fiiw lunen. Det lingst grens (813 km) faan Seenegal, wat loongs de Seenegal Struum leit, wurt mä Mauretaanien diald. Det kurtst grens (330 km) wurt mä Guinea diald. At lun dialt uk en 419 km lung grens mä Maali an en 338 km lung mä Guinea-Bissau. Det grens mä Gambia, en lun, wat amanbi en enklaawe banen Seenegal as, as 740 km lung.

De waastermiast ponkt uun Aafrika, Cap Vert, leit uun a waast faan uun Seenegal, nai bi Dakar.

Struumer Bewerke

Struumer uun Seenegal san: de Seenegal Struum (wat at grens mä Mauretaanien bildet), de Saloum Struum (hög hood uun det Tambacounda Regiuun leit an troch a maden faan't lun leept), de Gambia Struum (wat at grens twesken dön Tambacounda an Kolda Regiuunen bildet an iin uun Gambia leept), de Geba Struum an de Casamance Struum (wat troch a süüd faan't lun leept).

Indialing faan Ferwalting Bewerke

Seenegal hee fjauertanj regiuunen.

Regiuun Grate Lidj (2013)[2] Hoodsteed Koord
1 Dakar 547 3.137.196 Dakar
 
Regiuunen faan Seenegal
2 Diourbel 4824 1.497.456 Diourbel
3 Fatick 6849 714.392 Fatick
4 Kaffrine 11.262 566.992 Kaffrine
5 Kaolack 5357 960.875 Kaolack
6 Kédougou 16.800 152.357 Kédougou
7 Kolda 13.771 662.455 Kolda
8 Louga 24.889 874.193 Louga
9 Matam 29.445 562.538 Matam
10 Saint-Louis 19.241 908.942 Saint-Louis
11 Sédhiou 7341 452.994 Sédhiou
12 Tambacounda 42.364 681.310 Tambacounda
13 Thiès 6670 1.788.864 Thiès
14 Ziguinchor 7352 549.151 Ziguinchor

Befölkring Bewerke

Spriiken Bewerke

Seenegal as en lun faan föl spriiken. Fraansöösk as det amtelk spriik faan't lun. At spriik wurd uun det koloniaaltidj iinfeerd. Wolof as at mamenspriik faan amanbi 50% faan a befölkring an at ferkiarspriik faan at miast faan a lidj uun't lun. Det as ian faan a natschunaalspriiken faan Seenegal. Öler natschunaalspriiken san:

Histoore Bewerke

Üüs kolonii Bewerke

Dön Fraansuusen lai 1659 at siidlung faan Saint-Louis üüb en eilun nai bi de nuurdwaasteeg grünj. A feestlun kaam man bluat uun det naist heleft faan det 19. juarhunert oner hör kontrol. 1895 wurd at kolonii dial faan det Fraansöösk Waast-Aafrika Föderatschuun. Seenegal wiar faan 1959 tu 1960 tup mä Maali dial faan det Maali Föderatschuun uun det Fraansöösk Komuniteet.

Suwereniteet Bewerke

20 August 1960 wurd at lun suwereen. Léopold Sédar Senghor wiar de iarst president ap tu 1981.

Politiik Bewerke

Seenegal as en republiik. A president faan't lun sant 2012 as Macky Sall.

Wiartskap Bewerke

At weering faan't lun as de waastaafrikoons CFA-Franc, wat faan det Waastaafrikoons Sentraalbeenk ütjbroocht wurt.

Kwelen Bewerke

  1. www.citypopulation.de
  2. www.citypopulation.de


Koordinaaten: 14° N, 14° W