Könang Finn
 Tekst üüb Öömrang
|
Könang Finn, dring faan Folcwald, as en mytholoogisk figuur. Hi woort uun jo ual skraften Widsith an Beowulf üs fresk könang uun't 6. juarhunert näämd. An do komt hi föör uun't ualingelsk Finnsburg-Fragment.[1] Diar komt uk en Finn föör uun't Historia Brittonum. Jodiar teksten san oober iarst uun't 7. juarhunert apskrewen wurden.
Uun't Widsith stäänt, dat Finn di dring faan Folcwald(ing) as. Uun't Beowulf stäänt, dat Finn mä Hildeburh befreid as, det saster faan di däänsk prens Hnæf. A swoogern kem uun stridj an Hnæf stareft. Finn komt oober auerian mä Hengest, di nei däänsk prens. Man det gongt uk ei loong gud. Nü stareft Finn, an a Däänsken bring Hildeburh an Finn san rikdoom tüs tu Denemark.[1]
Uun det buk Finn and Hengest faan J.R.R. Tolkien (1982/2006) gongt at fööraal am Finn.
Di iarst histoorisk efterwiset könang faan Fresklun as Audulf.
Futnuuten
Bewerke- ↑ 1,0 1,1 Volkert F. Faltings, Alastair G. H. Walker an Ommo Wilts: Friesische Studien II: Beiträge des Föhrer Symposiums Zur Friesischen Philologie vom 7-8. April 1994 (Nowele Supplement), ISBN 8778380596. S. 11 f.(bi google-books tu efterleesen)