Cheemisk reaksioon

Tekst üüb Öömrang

En cheemisk reaksioon as en föörgung, huar cheemisk ferbinjangen feranert wurd. Diarbi woort energii apnimen of ufden. A eegenskapen faan materioolen wurd diarbi feranert.

En brant as en cheemisk reaksioon.

Nian cheemisk reaksioonen san soken, huar ham bluas di tustant faan en materiool anert, t.b. wan is smolt. Uk soken, huar a elementen salew jo feranre üs t.b. bi't kialklüüwang faan atoomen, tääl ei üs cheemisk reaksioonen.

Cheemisk reaksioonen san flooksis en keed faan muar reaksioonen, diar efterenööder ufluup. Jo wurd mä en reaksioonsliknang beskrewen. A dialen, diar mäenööder reagiare, san reagensien.

Ianfach reaksioonen san det, wan en moleküül tu letjer moleküülen of atoomen ütjenööder fäält, of uk wan en grater moleküül faan letjeren tuupwääkst.

Bispal

Wan det gas Kloorweederstoof ($HCl$) uun weeder ($H_{2}O$) apliaset woort, do komt diar saaltsüren bi ütj. Det reaksioonsliknang het:

$\mathrm {HCl+H_{2}O\longrightarrow H_{3}O^{+}+Cl^{-}}$

Uun diheer faal dää HCl ian H⁺ uf an woort tu Cl⁻. Det frei H⁺ woort faan H₂O apnimen, an hat woort tu H₃O⁺.

Luke uk diar

 Commonskategorii: Cheemisk reaksioonen – Saamlang faan bilen of filmer