Klööwenhuug
 Tekst üüb Öömrang
|
Di Klööwenhuug as en grääfhuug faan't bronsetidj tesken Neebel an Noorsaarep üüb Oomram. Hi hää en trochmeeder faan 19m an en hööchde faan 3m.
üüb en koord faan 1861 (Christian Johansen)
Histoore Bewerke
üüb en koord faan 1955 (Landesvermessungsamt)
Klööwenhuug skal uun't madelääler en fersaamlangsteed weesen haa. Üs a reformatsion kaam, skel efangeelsk präästern diar för't nei religiuun würwen haa[1].
Uun a wos faan't juar 1880 hää di skuulmääster an köster Böle Bonken det grääf ütjbodet. Diar foonj hi en stiankast uun mä en grate faan 1m x 0,4m x 0,5m. Uun det kast wiar knooken an det spas faan en bronseswörd. Üs Bonken sin hüs 1910 ufbraand, as mä sin saamlang uk det spas wechkimen.
Nööm Bewerke
Di nööm komt wel faan klüüwe. Di huug as boowen ei trinj, man dialwiis ufdraanj, an sodenang siig hi wel "klüüwet" ütj.
En huug as iar [hu:ɣ] ütjspreegen an miast huugh skrewen wurden. A miasten sai daalang [hu:g] an sodenang as huug det aktuel skriiwwiis. Enkelten sai oober uk [hu:χ] an skriiw det huuch. Diaram het det nei bushaltesteed tesken Neebel an Noorsaarep nü Klööwenhuuch.
Luke uk diar Bewerke
- Karl Kersten, Peter LaBaume: Vorgeschichte der Nordfriesischen Inseln. 1958. Wachholtz, Neumünster, S. 121: Grabhügel 150.
- Volkert F. Faltings: Nordfriesische Grabhügelnamen mit anthroponymem Erstglied. 1996. NOWELE, Odense, S. 19-21: Grabhügelnamen im Allgemeinen.
- Der Insel-Bote, 25. Oktuuber 2016: Bushaltesteed Klööwenhuuch (!)
Futnuuten Bewerke
Koordinaaten: 54° 39′ 55,1″ N, 8° 20′ 24,7″ O