Klaus Petersen
 Tekst üüb Öömrang
|
Dr. Klaus Georg Petersen (* 17. Febrewoore 1922 uun Berlin, † 22. Detsember 2013 uun Uastenfial) wiar loonriad faan di ual kreis Südtondern an leeder di iarst loonriad faan a kreis Nuurdfresklun.
"Klaus Landrat", üs hi leeder näämd wurd, as uun Berlin bäären, huar san aatj bi't militeer wiar. Sin aalern kaam oober faan Nuurdfresklun. Efter a kriich hää hi rochtswedenskapen uun Kiil studiaret an sin dokterwerk hää noch daalang en grat bedüüdang för Nuurdfresklun: Zur Rechtsgeschichte Nordfrieslands, ....[2] 1962 as'er loonriad faan di ual kreis Südtondern wurden an hää ham diarför iinsaat, dat jo trii kreiser Südtondern, Hüsem an Eidersteed tuupslööden wurd, an sant 1970 wiar hi do di iarst loonriad faan a nei kreis Nuurdfresklun. 1978 ging Klaus Petersen uun panjuun. Uun sin amt hää hi frasch liard, an det wiar en stark tiaken för't nuurdfresk spriak. Hi wiar uk föörmaan faan a Nuurdfresk Ferian an faan a Fresk Riad, an uun't sjüür faan't Nordfriisk Instituut.
Iarangen
Bewerke- Bundesfersiinstkrüs 1. Klas, 1980 + 1995
- Dannebrogorden, 1988
Futnuuten
Bewerke- ↑ efter: Thomas Steensen, Abschied von Nordfrieslands erstem Landrat, NFT, 29.12.2013
- ↑ Dr. Klaus Petersen: Zur Rechtsgeschichte Nordfrieslands, insbesondere der Bökingharde und der Vierharden, 1955, leederhen ütjkimen bi't Nordfriisk Instituut, Bräist
- Ein Glücksfall für Nordfriesland sh:z, 17.02.2012
- Die "Geburt" des Kreises Nordfriesland sh:z, 10.04.2010