Fräämwurd
(Widjerfeerd faan Lönwurd)
 Tekst üüb Öömrang
|
Fräämwurden san wurden, diar faan ööder spriaken auernimen wurden san.
- Miast men wi sok wurden, diar faan ual spriaken üs Latiinsk of Greks al för linger tidj iin uun üüs spriak kimen san. Det san internationalismen, diar't uun flook spriaken mä bluas letj feranrangen jaft.
- Man uk daalang wurd stüdag nei wurden faan ööder spriaken auernimen an do tu det aanj gramatik of ütjspriak uunpaaset. Det san neologismen. Jo kem flooksis ütj at Ingelsk, an uun't Nuurdfresk uk flooksis ütj at Sjiisk. Wan hoker en sjiisk wurd brükt, huar't uk en gud nuurdfresk wurd för jaft, do sait am, hi sjiisket.
Uk det wurd fräämwurd salew as en fräämwurd, hat komt faan't huuchsjiisk Fremdwort. Uun a spriakwedenskap woort miast faan lönwurden snaaket, det as en betj algemianer. An wan en fräämwurd uun en spriak auernimen wurden as, do as det jo ei muar frääm. Fräämwurden san diarefter lönwurden, diar üs frääm föörkem.
Luke uk diar
Bewerke
Wikiquote: Fräämwurd (sjiisk)