MF Tycho Brahe

**MF Tycho Brahe**
	Die Tycho Brahe ön di Øresund Die Tycho Brahe ön di Øresund
Skepsdaaten
Flag	Deenemark
Skepstyp	Debeljen-Föriskep
Rööpteeken	OVIC2
Heimathaawen	Helsingør
Jert tö	ForSea, Helsingborg
Werew	Langsten Slip & Båtbyggeri, Tomrefjord, Nuurwegen
Becht öner Numer	156
Fan di Staapel löpen	1991
Maaten en Manskep
Leengdi	110,2 m (hiilendal)
Breetji	28,2 m
Diipgung	max. 5,5 m
Formeeting	10845 BRZ / 3253 NRZ
Maskiin
Maskiin	4 × Dieselmaskiin; Wärtsilä-Vasa 6R32E
Maskiinenkraft	9840 kW = 13.379 PS
Gauest Faart	14,5 kn (26.9 km/h)
Skrüüw(en)	4 Röđerpropeler à 1.500 kW; Dieselelektrisk Dreft
Faan 2018
Maskiin	Batteriilektrisk Dreft
Maskiinenkraft	6.000 kW
Gauest Faart	14,5 kn (26.9 km/h)
Skrüüw(en)	4 Röđerpropelern
Kapatsiteet
Ken drai (Tenen)	3060 tdw
Üđers wat
Registernumer	IMO 9007116

Söl'ring

Di MF Tycho Brahe faart sent 1991 mung Helsingør ön Deenemark en Helsingborg ön Sweeden. Di Wai aur di Öresund es ombi 4 km lüng, en dit Skep es diarfuar knap 20 Minüten üp Wai.

Sent 2018 es dit Skep jen fan di gurtest Elektro-Föriskeepen üp Wārel.

Elektroföri

Di Öndreft wiar dieselelektrisk aur 4 Röđerpropelern. 2016 waar Bateriien me en Kapatsiteet fan 4,16 MWh iinbecht, wat uk bi dit Sesterskep MF Aurora af Helsingborg maaket waar. Sa kür di ual Öndreft bliif, bluat di Motooren kām nii. 2022 fing jen fan di Skeepen nii Akkus me 6,3 MWh, wat uk leenger fuarhual skel.

Noom

Di Tycho Brahe heer höör Noom eeđer di deensk Astronoom Tycho Brahe.

Daaten

Dit Skep ken 1250 Pasagiiri en 240 Pkw me langs fo.

Ombechning

Di Tycho Brahe en höör Sesterskep MF Aurora af Helsingborg fing 2018 Akkumulatooren me 4,16 MWh fuar ark Skep. Me des Energii kür ark Skep 3,5 Faarten maaki, man dit wiar ek gur fuar di Akkus.
Diarom uur di Skeepen ark Lop eeđerleeren, wan ja iin ön en Haawen fastmaaki. Dit maaket en Roboterjerem, en dit waaret mung 5 en 9 Minüten bi 6,3 MW Leerkraft.^[1] Fuar jen Wai sen ombi 1.175 kWh nöörig, en sa ken di Bateriien mung 40 bit 60 % SOC (State of Charge) hölen uur.

Tau fan di Dieselmaskiinen sen ön ark Skep blefen, dat ja aur Generatooren help ken, wan dit jens niin Stroom fuar dit Eeđerleering jeft of wat önsteken es.^[2]^[3]

Di Bateriien set iin ön fjuur Containers wat boowen üp Taak stuun. Ark Skep es diarfan ombi 280 Tenen swaarer uuren.

Fuar biiring Skeepen heer dit Ombechning knap 30 Mio. € kostet, di EU heer me 13,15 Mio. € holpen. Dit Subventsjoonsprogram jeet Connecting Europe Facility. Uk di Āpleerstatsjoonen ön Helsingborg en Helsingør sen diarme bitaalet uuren.^[4]^[5]