Missale Slesvicense

Amrum.pngTekst üüb Öömrang


At Missale Slesvicense (eegentelk Missale secundum ordinarium ecclesie Slesvicense) as en buk faan di bukdruker Steffen Arndes uun Lübeck. Hat kaam 1486 uun Schleswig ütj an as det ööder buk, diar auerhood uun Denemark drükt wurden as, an det iarst buk, diar uun Schleswig-Holstian drükt wurd.

Iarst sidj faan't Missale

Auer det bukBearbeiten

Faan't Missale Slesvicense san 300 stak drükt wurden, an diar jaft at daalang noch sjauer faan. Hat as en buk för't katuulsk hööw, an diar san beeden, salmen an teksten uun. Det buk as 35,6 x 23,8 cm grat an hää 265 bleeden.

Tau buken lei uun't bibleteek faan a däänsk könang/in uun Kopenhuuwen, ian as uun't bibleteek faan't Sloot Gottorf, an det sjuurd hää prääster Erich Pörksen 1935 uun en ual skaab üüb Oomram fünjen.[1] Uun a juaren 2000 bit 2002 as det buk apwerket wurden[2] an leit nü uun't archiif faan a hööw uun Kiel. Hat woort dan an wan uk ans üüb Oomram ütjsteld.[3]

LiteratuurBearbeiten

  • Dieter Lohmeier, Gert Wilhelm Trube, Michael Brüchmann, Annette Göhres, Anke Metz: Missale Slesvicense 1486. Ein Meisterwerk des Frühdruckers Steffen Arndes. Schleswig-Holsteinische Landesbibliothek, Kiel 2001, ISBN 978-3-9806013-4-4

Luke uk diarBearbeiten

FutnuutenBearbeiten

  1. http://www.jostjahn.de/altes-pastorat-amrum/ , ufrepen di 31. August 2009
  2. Beracht faan di restauraator
  3. Wääbsteed faan't hööwgemeen 2010, ufrepen di 27. Janewoore 2011