Moniari-Iirsen

Moniari-Iirsen sen Iirsenstangen, dānen iin ön Beton kum, dat di ek riivt, aurdat di ek sa tai üs hart es.
Fan Iirsen ken Betondraiern en Aurskoten uk muar Last hual.

Betondeek en Karbonatisiaring

Dat di Iirsen ek restig uur, kumt fan di Alkaliteet, diar di Beton heer. Dat didiari Sküül töögen Rest en bet fuarhalt, hinget diarfan of, hur tjuk di Beton aur di Iirsen kumt.
Di Beton neutralisiaret höm me di Tir (Fan Saaken sa üs Süüer Riin en Ofgas fan Maskiinen), en da nemt hi CO2 üt di Lucht āp, di karbonatisiaret. Em snaket diar uk fan en Karbonatisiaringsfront, diar hentö dit Iirsen giar.
Wan dit sa fiir es, da nemt dit Iirsen Weeter en Üđers āp, di uur muar. Diarfan uur da di Betondeek ofsprengt.
Di Iirsen gung da fan Lucht en Weeter önsteken, en dit Bechning ken höm ek muar hual.

Di Karbonatisiaring uur uk bremset, wan em di Beton me gastecht Fārev (Betonsküül-Fārev) önmaalet.

Biaarbering

Moniari-Iirsen kum öntwesken uk aaft üs "Hualevtjüch", da sen ja al törochtskiaren en böögen.

Em ken di Iirsen gur me en Diamant- of Trenskiiv ön di Winkelsliper skiar, ma me di Iirsenseegi giar dit uk gur.
Moniariiirsen sen fan en gur Gurhair. Em ken jam uk fuar Betonforemen en uk üđer Saaken gur swaisi (E-swais-Trāfo), diarfuar dit Giraat skel inoch Stroom dö, dat dit rocht döörswaiset uur.

Skeltern

Betonsaniaring: Di Beton wiar karbonatisiaret, dit Iirsen waar restig en sprengti di Betondeek wech.
En Skel waar fan Holt becht, di Iirsen sen blankmaaket en grundiaret uuren. Achterön kumt diar weđer en Betondeek aur.
Di Kairemböör Thermi uur wechrewen. Em sjocht di Iirsen, hur di Beton trinjom skul.
Di Balkonwuchen skul uk fan Beton uur, di Iirsen wiar al henstelt uuren.
Di Balkonwuchen skul uk fan Beton uur, di Iirsen wiar al henstelt uuren.
Di Armiarings-Iirsen fuar di Böört sen fan Gitern töhopsiit.
Des Iirsen heer üs "Staketpual" tiinet, di tjuk Diil wiar öner di Öört.
Dit es di Kraft, diar Beton wechsprengi ken. Efen aur di Öört es dit en bet slanker uuren, diar wiar dit jen Dai ofrestet.