Pandemii
(Widjerfeerd faan Pandemie)
 Tekst üüb Öömrang
|
En pandemii as det spriaden faan en kraankes bi minsken auer a hialer eerd. Hat gongt widjer üs en epidemii, diar miast bluas uun enkelt lunen apträät. Det ment oober ei, dat arke lun bi en pandemii bedraapt as.
Det wurd pandemii komt faan ualgreks πανδημία pandēmía (at hialer fulk). Diar steget uk det bedüüdang uun, dat det bluas minsken bedraapt. Bi diarten snaaket am ei faan en pandemii, man diarför faan en panzootii.
Pandemiin
Bewerke- Antoniinisk Pest, 165–180. Pookenpandemii uun't Röömsk Rik; 5 miljoon duaden.
- Justiniaansk Pest, sant 541 bit iin uun't 8. juarhunert. Ütjliaset faan Yersinia pestis.
- Suart Duas, 1347–1352. Faan Madelaasien bit hial Euroopa; 25 miljoon duaden, det wiar en traaden faan a europeesk iinwenern. Yersinia pestis.
- Traad Pest, sant 1896. Begand uun Sjiina; 12 miljoon duaden. Yersinia pestis.
- HIV/AIDS, sant amanbi 1980. Amanbi 75 miljoon minsken haa det, 32 miljoonen san stürwen (bit 2018).
- COVID-19 (sant Detsember 2019), begand uun Sjiina; as noch ei föörbi: SARS-CoV-2
Influenza
BewerkeUk gripe (Influenza) koon tu en pandemii mä miljoonen faan duaden wurd.
- Spoonsk Gripe (1918–1920), 20–50 miljoon duaden: Influenza-A-Virus H1N1
- Asiaatisk Gripe (1957/58), 1–4 miljoon duaden: Influenza-A-Virus A/H2N2
- Hongkonggripe (1968), 1–4 miljoon duaden: Influenza-A-Virus A/H3N2
- Rüsk Gripe (1977/78), 700.000 duaden: Influenza-A-Virus H1N1
- Fögelgripe (2005), woort (noch) ei faan minsk tu minsk auerdraanj: Influenza-A-Virus H5N1
- Swingripe (2009/10), 100.000–400.000 duaden: Influenza-A-Virus H1N1
Luke uk diar
Bewerke
Commonskategorii: Pandemii – Saamlang faan bilen of filmer