Bakern

Witj Baker (Sterna paradisaea)

Onerstam:	Wäärlisdiarten (Vertebrata)
Klas:	Fögler (Aves)
Order:	Kuben an Waadfögler (Charadriiformes)
Famile:	Bakern

Wedenskapelk nööm

Sternidae

Bakern, ^(mo.) bäkere, bakere (Sternidae) san en Fögelfamile an hiar mä a Kuben (Laridae) an ööder fögelfamilin tu at order faan a Kuben an Waadfögler (Charadriiformes). Daalang wurd jo uk üs onerfamile Sterninae faan a Laridae uunsen.

Beskriiwang

Bakern like Kuben, jo san oober letjer an smääler an waanre uun a wonter am a süüd. Jo san 24 cm bit 40 cm lung, haa smääl, spas ütjluupen jügen an en goobelstört, so üs Swaalken. Diarfaan haa's uk hör sjiisk nööm Seeschwalben. Bi't flän hual jo a nääb flooksis lik efter onern. A feedern san witj of grä, an föl slacher haa en suart hüüw.

Leewent

A miast slacher lewe bi a küst, enkelten oober uk uun't banlun. Jo bräät lik üüb a grünj, miast uun koloniin. A nees lei nai bienööder an san knaap tu käänen mad stianer an song. Bakern swääm ei hal. Wan's faske, rödle jo, stun stal uun a loft, an sjit do lik deel uun't weeder efter letj fask.

Bakern waanre uun a wonter bit Süüdafrikoo an flä sodenang iansis am a Eerd uun ian juar.

Sköölen

Diar san 45 slacher, apdiald tu 9 sköölen:
Chlidonias - Gelochelidon - Hydroprogne - Larosterna - Onychoprion - Phaetusa - Sterna - Sternula - Thalasseus

Enkelt slacher

Chlidonias
Blä Baker (Chlidonias niger)

Sterna
Dol Baker (Sterna hirundo)

Hääfbaker (Sterna caspia)

Stäärnk (Sterna albifrons)

Stianbaker (Sterna sandvicensis)

Witj Baker (Sterna paradisaea)

Amerikoonsk Stäärnk
Stianbaker

Luke uk diar

Commonskategorii: Bakern – Saamlang faan bilen of filmer
Wikispecies hää en artiikel tu: Bakern

Ferwisang efter bütjen

Bakern uun a natüür knipset.