Toyota Mirai
 Söl'ring
|
Di Toyota Mirai es en PKW me fjuur Plaatsen[1], wat me Weeterstof aur en Brenstofseli en Baterii āpleert, hur di Stroom fuar en Elektromootor fan kumt. Dit Auto jert tö di hooger Merelklas, en es, sa üs Toyota sair, dit jest Brenstofselenauto, wat üs gurt Seerie becht uur.
Di Mirai waar 2014 fuarstelt, di 15. Detsember 2014 waar di jest Mirai ön Japan forkoopet.[2] Ön Dütsklön kām di jest Wain diarfan ön di Septembermuun 2015 üp Straat.[3].
Bit tö dit Jen fan 2016 waar 2.840 Mirai becht, en diarfan ging 1.500 naa Japan, 2.200 naa di U.S.A.[4] sa üs 30 naa Dütsklön.[5][6]. Bit tö dit Jen fan 2017 waar ombi 5.300 Mirai forkoopet.[7]
Bit tö di Januwaari fan 2018 kür 3.000 Autos naa Kalifornien forkoopet uur, en diarfan kām Toyota bi Autos me Brenstofselen üp 80% fan di Marker diarfuar.[8]
| Toyota | |
|---|---|
)_front.jpg) | |
| Mirai | |
| Noom tö forkoopin: | |
| Becht fan bit: | fan 2014 |
| Autoklas: | Hooger Merelklas |
| Bechningsaart Karoserii: | Limousiini |
| Maskiinen: | Elektromaskiin: 114 kW |
| Max. Draikraft: | |
| Max. Gauhair: | 178 km/h |
| 0 bit 100 km/h: | 9,6 s |
| Leengdi: | 4890 mm |
| Breedji: | 1815 mm |
| Hoogdi: | 1535 mm |
| Aksenstant: | 2780 mm |
| Wecht lerig: | 1.850 kg |
| Wecht töleten: | 2.180 kg |
| Leerrüm: | 361 l |
| Taaklast: | 100 kg |
| Fuargungster: | {{{Vorgänger}}} |
| Föliger: | {{{Nachfolger}}} |
Dit Uurt "Mirai" es japānsk en jit sa fuul üs Tökumst.
Histoorie
BewerkeToyota heer al 1992 me dit Ütteenken fan Autos me Weeterstof bigent. Di jest Proototypen waar 2001 üs Toyota FCHV fuarstelt.[9]
Ön Japan helpt di Regiaring, dat des Autos üp Wai kum. Di japānsk Premierminister Shinzō Abe heer 2014 forspreeken, dat ark Weeterstofauto me omreeknet 14.000 Euro subventsjoniaret uur skul.[10]
Ön Ameerika heer en Mirai ön't Jaar 2014 US $ 57.500 kostet.[11]
Ön Dütsklön fair em dit Auto ek fan di Haneler, bluat direkt fan Toyota, en dānen wil da ön't Jaar 2014 € 76.600 haa, of Leasing uur uk önböören.[12][13]. Paset uur des Eksklusiiv-Auto uk ek bi di Kraamer om di Huk, diarfuar heer em senerlig Werkstairen („Mirai Stützpunkt Händler“) ön Berliin, Hamborig, München, Düsseldorf, Frankfurt, Stuttgart en Karlsruhe (2017).
En Testfaart
Bewerke2015 waar en Mirai tö Meedienmensken dönen, dānen diarme fan Berliin naa Bayern köör skul. Em her uk en Tesla Model S me langs, dat em di Forskel jens se kür. Diarbi kām üt, dat dit Tankin me 700 bar bit tö 15 Minüten waari ken en dat bi en Weeterstofauto 7 bit 8 Liitern Weeter achtern üt kum, wan di lapt.[14]
Litj Produktsjoon
BewerkeDi Mirai uur ön Motomachi, wat nai bi Nagoya es, becht. Diar es ek olter fuul Automatisiaring, en sa uur ark Dai bit tö 13 Autos becht.[15]
Technik
BewerkeDi Mirai es en seerielli Hybrid. Di Maskiin lapt me en Baterii fan 6,5 AH bi 244,8 V (Ombi 1,5 kWh üt 34 Nickel-Metallhydrid-Moduuli). Des uur fan di Brenstofseli altert āpleeren, wat fan tau 700-bar-Tanks me Weeterstof fođert uur. Me 5 kg of 122,4 Liitern Weeterstof ken di Mirai ombi 500 km laap.[16][17]
Di Elektromotor heer en Kraft fan 114 kW (155 PS), dit beest Draimoment es 335 Nm.
Fan 0 üp 100 km/h kumt dit Auto ön 9,6 s, di hoogst Gauhair es 178 km/h.[10][16]
Di Toyota Mirai uur aur di Fuarderweelen öndrewen.
Di Brenstofseli heer en Voluumen fan 36,5 Liitern, en diar kum 3,1 kWh di Liiter üt.
Wertingen
BewerkeDi ADAC her dit Auto ön Gang, fuan dit gur, meenti man, dat di Weeterstof "green" wiis skul, dit jit, fan Winjkraft of sawat maaket uur skul. Wan em Tank to wheel önluket, wiar dit Auto fain litjem en stjoonk ek, en diarom fing dit uk ön di Kategorii „Umwelt/Ecotest“ di Nooti „1,4“.[18]
Ön di Juuli fan 2017 fing di Mirai di „KS-Energie- und Umweltpreis“.[19][20]
- Galerii
Luki uk jir
Bewerke
Commons: Toyota Mirai – Saamlang faan bilen of filmerFutnooten
Bewerke- ↑ Süddeutsche Zeitung, 26. Oktober 2015: Gebrauchsfähiges Alltagsauto, aufgerufen 6. Oktober 2017
- ↑ https://web.archive.org/web/20160529150740/http://transportevolved.com/2014/06/25/toyota-unveils-2015-fuel-cell-sedan-will-retail-japan-around-%C2%A57-million/
- ↑ Toyotas erstes Brennstoffzellenfahrzeug ab Sommer auf dem Markt. 17. Nofember 2014, ufrepen de 22. April 2017.
- ↑ Toyota hopes revamped plug-in sells better than first model. 15. Febrewoore 2017, ufrepen de 11. Jüüne 2017.
- ↑ Holger Wittich: Brennstoffzellenauto kann sich abschalten. Rückruf Toyota Mirai. Uun: News > Hersteller. auto motor und sport, 15. Febrewoore 2017, ufrepen de 11. Jüüne 2017.
- ↑ Why Toyota Is Recalling All Mirai Fuel Cell Cars on the Road. Fuel Cell Vehicles. Uun: Fortune. Time Inc., 15. Febrewoore 2017, ufrepen de 11. Jüüne 2017 (ingelsk).
- ↑ Toyota sells 1.52 million electrified vehicles in 2017, three years ahead of 2020 target. Uun: Global Newsroom > News Release. Toyota Motor Corporation, 2. Febrewoore 2018, ufrepen de 4. Mei 2018.
- ↑ John Beltz Snyder: Toyota surpasses 3,000 Mirai fuel cell sedan sales. Uun: Autoblog. 23. Janewoore 2018, ufrepen de 4. Mei 2018.
- ↑ Toyotas Hybrid-Serie FCHV. Ufrepen de 22. April 2017.
- ↑ 10,0 10,1 Toyota Mirai – die japanische Zukunft. myCar.net. Archiwiaret faan det originool di 31. Mei 2017. Ufrepen di 26. Oktuuber 2018.
- ↑ Mirai Toyota FCV. Offizielle Toyota Seite (Memento faan di 9. Janewoore 2014 uun't Internet Archive)
- ↑ Thomas Geiger: Wasser(stoff) marsch!, Tages-Anzeiger vom 25. November 2014.
- ↑ Der Toyota Mirai: Die erste Wasserstoff-Limousine in Großserie. Ufrepen de 22. April 2017.
- ↑ Manager-Magazin, 3. November 2015: Der weite Weg zum Wasserstoff, aufgerufen 9. Juli 2017
- ↑ Jonathan Bell: Toyota wants to change the world with Mirai, its new hydrogen car. wired, 30. Deetsember 2017, ufrepen de 4. Mei 2018.
- ↑ 16,0 16,1 Christian Frahm: Toyota Mirai: Wasserstoff marsch! SpiegelOnline, , ufrepen de 2. Nofember 2015.
- ↑ Die Zukunft beginnt heute!. Presseinformation von Toyota Deutschland.. Archiwiaret faan det originool di 29. Nofember 2014. Ufrepen di 26. Oktuuber 2018.
- ↑ Toyota Mirai (PDF). adac.de. Archiwiaret faan det originool di 9. August 2017. Ufrepen di 6. Jüüle 2017.
- ↑ KS-Energie- und Umweltpreis. ks-auxilia.de. Archiwiaret faan det originool di 8. Oktuuber 2017. Ufrepen di 6. Jüüle 2017.
- ↑ KS zeichnet Toyota für den Mirai aus. motorzeitung.de. Ufrepen di 6. Jüüle 2017.
|
Didiar artiikel as di 1. Nofember 2018 uun det list faan gud artiikler, diar det leesen luane apnimen wurden. Uun uugenblak jaft at diar 73 faan. |