Waldemar II. (Denemark)

Waldemar II. (* 28. Jüüne 1170; † 28. Maarts 1241) wiar Hertooch faan Schleswig (1182–1202) an Könang faan Denemark (1202–1241).

Hi wiar en dring faan Könang Waldemar I. faan Denemark an sin wüf Sophia faan Minsk (* ~1141; † 1198), doochter faan Föörst Wladimir III. faan Minsk an Hrodna an't Rikissa faan Poolen.

Üs san bruder Knut IV. Könang faan Denemark wiar, hää Waldemar II. auer Holstian wonen, an het sant di tidj Sejr - di waner. Üs Knut IV. stoorew, wurd Waldemar II. Könang faan Denemark.

Sant 1231 hää Waldemar II. en buk auer sin loonsdialen apskriiw läät, diar daalang noch uun't Däänsk Stootsarchiif uun Kopenhuuwen leit, at Liber Census Daniae of uk Waldemar sin Eerdbuk. Uun sin regiarangstidj san uk a iarst rochtsteksten apskrewen wurden, at Skånske Lov för Schonen, at Sjællandske Lov för Sialun, an tuleetst 1241 at Jydske Lov för Jütlun.

Efterkemen Bewerke

Waldemar II. wiar sant 1205 iarst befreid mä Margarete Dagmar († 24. Mai 1212), en doochter faan Ottokar I. faan Böhmen an Adelheid faan Meißen. Jo hed tau jongen:

Waldemar faan Schleswig (* 1209; † 1231), ⚭ 1229 Eleonore faan Portugal (* 1211; † 1231)
en dring, duad bäären († 1212)

1214 freid hi Berengaria faan Portugal (* ~1195; † 27. Maarts 1221), en doochter faan Sancho I. faan Portugal an Dulce. Jo hed sjauer jongen:

Erik IV. Plovpenning (* 1216; † 1250), Könang faan Denemark (1241–1250)
Sophia (* 1217; † 1247) ⚭ 1235 Johann I. Markgroof faan Brandenburg
Abel faan Schleswig (* 1218; † 1252), Könang faan Denemark (1250–1252)
Christoph I. (* 1219; † 1259), Könang faan Denemark (1252–1259)

Do hed'er noch tau jongen faan ööder wüfen:

Niels, Groof faan Halland-Schwerin († 1218/19)
Knut, Hertooch faan Lolland, Blekinge an Eestlun († 1260)

Luke uk diar Bewerke

Commonskategorii: Waldemar II. – Saamlang faan bilen of filmer

Föörgunger	Amt	Efterfulger
Knut VI.	Könang faan Denemark 1202–1241	Erik IV.
Adolf III.	Groof faan Holstian 1203–1227	Adolf IV.
	Hertooch faan Schleswig 1182–1202	Waldemar di Jong