Weederhünj

Tekst üüb Öömrang

A Fresk Weederhünj of uk Wetterhoun as en faan a FCI gudkäänd holuns hünjras.

Wetterhoun Fresk Weederhünj
Weederhünj
FCI-Standard Nr. 221
Skööl 8: Aportiarhünjer an weederhünjer Onerskööl 3: Weederhünjer mä werkpreew
Aran:	Holun
Ööder nöömer:	Wetterhond
Höögde:	Hünj: 59 cm Tew: 55 cm
Gewicht:	15 - 20 kg
List faan hüshünjer

Histoore

Di Wetterhoun as en rochten weederhünj. Wetter as det waastfresk wurd för weeder. Di hünj stamt wel uf faan di Portugiisk Weederhünj an di Curly Coated Retriever. Hi liket uk det ööder waastfresk ras Stabyhoun auer a miaten.

Uun a föftager juaren wiar di Weederhünj bal ütjstürwen. Daalang jaft at amanbi 800 hünjer, a miasten lewe uun Holun.

Beskriiwang

Di Weederhünj woort bit 59 cm huuch, an fäält üüb troch sin kralag skan üs en Persiaaner. A kralen san fäätag, an sodenang koon hi't loong uun't weeder ütjhual. Miast san jo hünjer suart-witj of brün-witj. Weederhünjer san turaghualen an trau, oober ei baang. Jo mei hal aportiare an sjük.

Jacht

Weederhünjer wurd üüb Otern an Huarmer ufracht. Iar haa's uk Molwarper ütj a diker jaaget, an uk daalang wurd's noch bi a dikpleeg iinsaat, am Biisams tu jaagin. Miast san Weederhünjer oober hoof- an wachthünjer.

Luke uk diar

• Siahünjer ;-)

Ferwisang efter bütjen

 Commons: Weederhünjer – Saamlang faan bilen of filmer

• Rassestandard Nr. 221 der FCI: Weederhünj (Worddokument)
• Nederlandse Vereniging voor Stabij und Wetterhoun