Grat Halagflud

(Widjerfeerd faan Febrewooreflud 1825)
Amrum.pngTekst üüb Öömrang


At Grat Halagflud of Febrewooreflud 1825 wiar en swaar sturemflud faan a 3. bit 5. Febrewoore 1825. Auer a hialer Nuurdsiaküst jääw't böös skaaser bi diker an minskenleewent. Det lingd faan't däänsk auer't sjiisk hen tu't holuns küst, an iin uun a struumer Weeser an Ialew. 800 minsken kaam tu duas.

Peegelstant uun Olersem 1825
Sturemfluden uun Büsum

Di sturem wiar eegentelk goorei so furchboor stark, man hi hääl trii daar uun, an so staud ham a sia mä arke huuchweeder huuger an huuger. Diar ei nooch mä, wiar a 3. Febrewoore 1825 uk noch springflud, huar det weeder likes al huuger aplääpt üs normool.

NuurdfresklunBewerke

Uun Nuurdfresklun wiar Sal, Oomram an Feer bedraapt, man diar küd a minsken üüb a huuger düner flücht. Föl ringer ging't üüb a Halgen tu: Diar kaam knaap 100 minsken am't leewent an knaap en hüs hää di sturem auerstenen. Efter di sturem san flook minsken auer efter Feer of tu fäästääg skebet, an do uk diar blewen. Fööraal uun Njiblem wene daalang flook efterkemen faan flücht Halaglidj.

Luke uk diarBewerke

  Commonskategorii: Grat Halagflud – Saamlang faan bilen of filmer